لاہور: گلبرگ میں جائیداد کے تنازعے پر مخالفین نے کار پر مٹی کا تیل چھڑک کر آگ لگا دی، پولیس کا کہنا ہے کہ واقعے کی تفتیش کررہے ہیں، فوٹیجز حاصل کی جارہی ہیں۔
تفصیلات کے مطابق لاہور کے علاقے گلبرگ میں جائیداد کے تنازعہ پر مخالفین نے کار کو آگ لگا دی۔
بلال نامی ڈیولپر کا مخالفین سے لاہور میں پلاٹ کا تنازعہ چل رہا تھا، ڈیولپر کراچی سے پلاٹ کی فروخت کے لیے لاہور آیا ہوا تھا کہ لبرٹی کے قریب مخالفین نے بلال کو تشدد کرکے کار سے نیچے اتارا۔
- Advertisement -
جس کے بعد مخالفین نے بلال کی کار پر مبینہ طور پر مٹی کا تیل چھڑک کر آگ لگا دی۔
واقعےکی اطلاع ملنے پر ایس پی ماڈل ٹاؤن واقعے کی جگہ پہنچے ، ایس پی ماڈل ٹاؤن کا کہنا ہے تفتیش کررہے ہیں، فوٹیجز حاصل کی جارہی ہیں۔
