لاہور: باغبانپورہ کی حدود میں سرعام گن پوائنٹ پر دو نوجوانوں کو اغوا کرلیا گیا، واقعےکی سی سی ٹی وی منظر عام پرآگئی ہے۔
تفصیلات کے مطابق صوبائی دارلحکومت لاہور میں اغوا کار ایک بار پھر سرگرم ہوگئے، باغبانپورہ کی حدود میں سرعام گن پوائنٹ پر دو نوجوانوں کواغوا کرلیا گیا۔۔
عرفان اشرف اور ماجدلیاقت کوبیکری کےسامنےسے4موٹرسائیکل سواروں نےاغوا کیا۔
- Advertisement -
نوجوانوں کے اغوا کے واقعےکی سی سی ٹی وی منظر عام پرآگئی ہے ، جس میں اغواکار وں کو فائرنگ کرتے ہوئے عرفان اور ماجد کو اغوا کرتے دیکھا جا سکتا ہے۔
پگوان پورہ پولیس نےنامعلوم اغواکاروں کے خلاف ایف آئی آردرج کر لی ہے تاہم والدین کا کہنا ہے دو دن گزرنے کے باوجود پولیس مغویوں کوبازیاب نہیں کروا سکی۔
پولیس کا کہنا ہے سی سی ٹی وی فوٹیج کی مدد سے ملزمان کی تلاش شروع کردی ہے۔
