تازہ ترین

"فلسطین کو سانس لینے دو”

معروف پاکستانی اداکارہ صبا قمر بھی غزہ پر اسرائیلی بمباری سے معصوم بچوں سمیت متعدد فلسطینیوں کی شہادت پر افسردہ ہیں اور انہوں نے عالمی ضمیر کو جھنجھوڑا ہے۔

تفصیلات کے مطابق اداکارہ صبا قمر نے تصاویر اور ویڈیوز شیئر کرنے والے سوشل میڈیا پلیٹ فارم انسٹاگرام پر اپنے تصدیق شدہ اکاؤنٹ سے فلسطینیوں پر ہونے والے مظالم پر غصہ اور افسوس کا اظہار کیا اور خصوصی اسٹوری شیئر کی۔

صباقمر نےا پنی انسٹا گرام پر ایک تصویر شیئر کی ہے جس میں ایک معصوم فلسطینی بچہ ہاتھ میں مسجدالاقصٰی کی تصویر اور فلسطین کا جھنڈا تھامے اداس کھڑا نظر آرہا ہے، اداکارہ نے یہ تصویر شیئر کرتے ہوئے لکھا کہ ’خدا کے لیے فلسطین کو سانس لینے دو۔

واضح رہے کہ گزشتہ رات غزہ پراسرائیلی فوج نے وحشیانہ بمباری کی جس کے نتیجے میں معصوم بچوں سمیت 20 فلسطینی شہید ہو چکے ہیں، اس کے علاوہ اسرائیلی فورسز کے حملے میں حماس کے کمانڈر بھی شہید ہوئے ہیں، جمعے سے جاری اسرائیلی جارحیت میں اب تک سات سو سے زائد فلسطینی زخمی ہوچکے ہیں۔

 

Comments

- Advertisement -