لاہور : لاہور ہائی کورٹ نے سائفرتحقیقات چیئرمین پی ٹی آئی کو ایف آئی اے طلبی کے خلاف دیا گیا حکم امتناع واپس لے لیا ہے۔
تفصیلات کے مطابق چیئرمین پی ٹی آئی کے خلاف سائفر کی تحقیقات میں بڑی پیش رفت ہوئی ہے، لاہور ہائیکورٹ میں چیئرمین پی ٹی آئی کے خلاف سائفر کی تحقیقات سے متعلق سماعت ہوئی۔
عدالت نے چیئرمین پی ٹی آئی کو ایف آئی اے طلبی کے خلاف دیا گیا حکم امتناع واپس لے لیا۔
- Advertisement -
جسٹس علی باقرنجفی نے وفاقی حکومت کی درخواست پر محفوظ فیصلہ سنایا، جس میں عدالت نےوفاقی حکومت کے حکم امتناع واپس لینے کی درخواست منظور کرلی۔.
وفاقی حکومت نے چیئرمین پی ٹی آئی کو دیے گئے حکم امتناع کے خلاف درخواست دائر کی تھی، وفاقی حکومت کی جانب سے اسد باجوہ ایڈووکیٹ پیش ہوئے تھے۔