اسلام آباد: ڈرگ ریگولیٹری اتھارٹی نے جان بچانے والی ادویات کی قیمتوں میں ہوشربا اضافہ کردیا ہے۔
مہنگائی کی چکی میں پسے عوام کے لئے بُری خبر ہے کہ ڈرگ ریگولیٹری اتھارٹی نے جان بچانے والی ادویات کی قیمتوں میں 14 فیصد اضافہ کردیا ہے جس کا نوٹی فیکیشن بھی جاری کردیا گیا ہے۔
ڈریپ نے دیگر تمام ادویات کی قیمتوں میں بھی 20 فیصد اضافے کی اجازت دے دی ہے۔
یہ بھی پڑھیں: پاکستان کے غیرملکی قرضوں میں نمایاں کمی
نوٹیفکیشن کےمطابق ڈریپ کا پالیسی بورڈ قیمتوں کےتعین کا تین ماہ بعد جائزہ لےگا، ڈالرکی قدرمیں کمی کی صورت میں ادویات کی قیمتوں میں کمی بھی کی جاسکتی ہے۔
ڈریپ حکام کا کہنا ہے کہ انہیں 400 سے زائد ادویات کی قیمتوں میں اضافے کی درخواستیں موصول ہوئی تھی، تاہم انہوں نے 110 دس جان بچانے والی ادویات کی قیمتوں کی سفارش کی ہے۔
واضح رہے کہ ادویات کے درآمد کنندگان اور مینوفیکچرز نے گذشتہ ماہ حکومت سے مطالبہ کیا تھا کہ اگر ادویات کی قیمتوں میں یہ اضافہ نہ ہوا تو فارماسوٹیکل کی صنعت تباہ ہو جائے گی۔
