اے آئی کی مدد سے ایڈٹ شدہ تصاویر وائرل ہورہی جس میں دیکھا گیا کہ دنیا کے امیر ترین شخصیات اگر وہ غریب ہوتے تو کیسے نظر آتے۔
آرٹیفیشل انٹیلیجنس (اے آئی) یعنی مصنوعی ذہانت کی ٹیکنالوجی جب سے مقبول ہوئی ہے تب سے سوشل میڈیا پر آئے روز دلچسپ تصاویر دیکھنے کو ملتی ہیں جو کہ اے آئی کی مدد سے ایڈٹ کی جاتی ہیں۔
ایسی ہی کچھ تصاویر فوٹو اینڈ ویڈیو شیئرنگ پلیٹ فارم انسٹاگرام پر وائرل ہیں جس میں گوکُل پلائی نامی ایک ماہر آرٹیفیشل انٹیلیجنس حیران کن تصاویر شیئر کی ہے۔
گوکُل پلائی نے انسٹاگرام پر دنیا کے ارب پتی شحصیات کی ایڈٹ شدہ تصاویر شیئر کی ہیں کہ اگر وہ غریب ہوتے تو کیسے نظر آتے۔
View this post on Instagram
انسٹاگرام پوسٹ کی سب سے پہلی تصویر میں سابق امریکی صدر ڈونلڈ ٹرمپ کی ہے جو کچی آبادی کے باہر بنیان اور ٹراؤزر پہنے کھڑے ہیں۔
دوسری تصویر میں مائیکروسافٹ کے بانی اور دنیا کی امیر ترین شخصیات میں سے ایک بل گیٹس کھڑے ہیں جنہوں نے صرف دھوتی پہنی ہوئی ہے۔
تیسرے تصویر میں بھارت کے سب سے امیر شخص مکیش امبانی کھڑے ہیں جو کچی آبادی کے باہر میلی کچیلی ٹی شرٹ، ٹراؤزر اور چپل پہنے ہوئے ہیں۔
چوتھی تصویر میں سماجی رابطوں کی ویب سائٹ فیس بک کے بانی مارک زکر برگ موجود ہیں جو میلی ٹی شرٹ اور شارٹ میں مبلوس ہیں اور آرٹیفیشل انٹیلیجنس کی دنیا میں کچی آبادی کے باہر موجود ہیں۔
پانچویں تصویر مشہور امریکی ارب پتی بزنس مین وارن بفیٹ کی ہے جو ایک گندی شرٹ اور پینٹ میں ملبوس ہیں اور عینک پہنے ہوئے ہیں۔
چھٹی تصویر میں ایمیزون کے مالک اور دنیا کے امیر ترین افراد میں سے ایک جیف بیزوز ہیں جو بنیان پہنے اور ٹراؤزر کی جیب میں ہاتھ ڈالے کچی آبادی کے باہر کھڑے ہیں۔
سب سے آخر میں دنیا کے سب سے امیر شخص، خلائی کمپنی اسپیس ایکس اور گاڑیوں کی کپمنی ٹیسلا کے مالک ایلون مسک کی تصویر لگائی ہے جس میں وہ جینز کی پینٹ اور مٹی آلود ٹی شرٹ پہنے ہوئے پوز بنا رہے ہیں اور مسکرا رہے ہیں۔
