پاکستان شوبز انڈسٹری کی معروف اداکارہ ماہرہ خان نے اپنی شادی کے دوران منعقد ہونے والی قوالی نائٹ کی ویڈیو شیئر کی ہے۔
ماہرہ خان کی جانب سے شادی کی تقریبات کی تصاویر رواں ماہ کے آغاز میں شیئر کی گئی تھیں، جبکہ شادی کی مختلف تقریبات کی تصاویر وقتاً فوقتاً سوشل میڈیا پر جاری کی جارہی ہیں۔
- Advertisement -
ماہرہ خان کی جانب سے جو ویڈیو شیئر کی گئی اس میں قوالی نائٹ کی پروقار تقریب کا انعقاد کیا جارہا ہے، اس دوران معروف فنکار بھی قوالی نائٹ میں موجود ہیں۔
معروف صوفی گلوکارہ عابدہ پروین نے قوالی نائٹ پروگرام میں شرکت کرکے تقریب کو چار چار لگا دیئے تھے، انہوں نے اپنے کلام ’تو جھوم جھوم’سے مہمانوں سمیت ماہرہ خان کو بھی جھومنے پر مجبور کردیا۔
قوالی نائٹ کی تقریب میں فواد خان، سرمد کھوسٹ، اذان سمیع خان، نینا کاشف، نبیل قریشی اور دیگر نامور شخصیات شریک تھیں۔
