The news is by your side.

Advertisement

ماہرہ خان سمیت معروف اداکار ووٹ کاسٹ نہیں کرسکیں گے

کراچی: پاکستان میں عام انتخابات کا انعقاد 25 جولائی کو کیا جارہا ہے مگر اُس سے قبل شوبز کی کچھ معروف شخصیات نجی شو میں شرکت کے لیے بیرون ملک چلے گئیں جس کے باعث وہ اپنا حق رائے دہی استعمال نہیں سکیں گی۔

تفصیلات کے مطابق پاکستان کے نجی چینل کی جانب سے ٹورنٹو میں ایوارڈ شو کی تقریب کا انعقاد کیا جارہا ہے جس میں شرکت کے لیے پاکستان کی معروف شخصیات نے دو روز پہلے سے بیرونِ ملک کا رخت سفر باندھا۔

بیرونِ ملک جانے والی شخصیات میں جہاں دیگر شخصیات ہیں وہی ماہرہ خان بھی ان ہی لوگوں میں شامل ہیں جو اپنا قیمتی ووٹ کسی بھی امیدوار کو کاسٹ نہیں کرسکیں گی۔

دیکھیں: ماہرہ خان کی ’مونچھوں‘ والی تصویر وائرل

اس ضمن میں پاکستانی گلوکار و اداکار فرحان سعید نے الیکشن سے قبل دوسرے ممالک جانے والی اہم شخصیات اور عوام کو آڑے ہاتھوں لیتے ہوئے شدید تنقید کا نشانہ بنایا۔

سماجی رابطے کی ویب سائٹ پر فرحان سعید کا کہناتھا کہ ’الیکشن سے قبل باہر جاکر ملک کے مستقبل کو مذاق نہ سمجھیں، میری انڈسٹری سے تعلق رکھنے والے کئی لوگ ہیں جو اہم ترین وقت پر پاکستان سے باہر جارہے ہیں‘۔

فرحان سعید کا کہنا تھا کہ یہ بہت ہی دکھ کی بات ہے اور ایسے تمام لوگوں سے درخواست ہے کہ ہمارے ملک کے مستقبل کو ازراہ کرم مذاق نہ سمجھیں۔

سوشل میڈیا صارفین نے بھی اداکاروں کی بیرونِ ملک روانگی پر شدید تنقید کرتے ہوئے ایوارڈ شو کی تقریب کے بائیکاٹ کا اعلان کیا۔

میں نے دو بار ووٹ دیا لیکن کوئی فرق نہیں پڑا، یاسر حسین کا جواب


اداکار یاسر حسین نے سماجی رابطے کی ویب سائٹ انسٹا گرام پر  الیکشن کے دن معروف شوبز شخصیات کے ملک میں نہ ہونے پر تنقید کا جواب دیتے ہوئے کہا کہ  ہمارا نجی جینل  کے ساتھ معاہدہ انتخابات کی تاریخ مقرر ہونے سے پہلے ہوا۔

اداکار نے کام کے حوالے سے بات کرتے ہوئے واضح کیا کہ ویسے تو ہم کہتے ہیں کام عبادت ہیں لیکن جب ہم کام کریں تو کینیڈا میں مزے کر رہے ایسا کیوں کہ لوگ سوشل میڈیا پر اس بات کو ہوا بنارہے ہیں۔

یاسر حسین کا کہنا تھا کہ میں نے دو بار ووٹ کاسٹ کیا ہے لیکن کوئی فرق نہیں پڑا تو کیا ایک عام شہری کی طرح اس بار ووٹ نہ ڈالوں تو، کیوں اداکار اور اداکارؤں کو تنقید کا نشانہ بنایا جارہا ہے؟ کیا آپ کے گھروں میں صرف ووٹ ووٹ کے بارے میں بتایا جاتا ہے ، بڑوں کی عزت کے بارے میں نہیں؟

Assalam u alykum.. Salam is liye k musalman Gali deny se pehly jawab zaroor den.. yeh picture aur aisi bohot si aur jis mai aap ko @saeedhumayun #bushraansari @mikaalzulfiqar @hareemfarooq @thekubism @mahirahkhan @haniaheheofficial @thekubism @atifaslam @ahmedalibutt aur bohot sary aisy log jinhon ne khushi aur gham mai aap sab ka sath dia dikhai de rahy hain. #1 hum sab ka contract for #humawards #election2018 ki date se pehly ho chuka tha.. wesy toh hum sab kehty hain “work is worship” magar hum kaam karen toh “chilling in Canada” ho jata hai.. aisa kyon?? Kyon aap k favourite celebrities har wakt kar baat har galti ki mafi mangty rahen.. hum sab aam insaan hain farishty nah . We work v hard to entertain you all . Kyon Atif Aslam Bushra ansari jesy legends ko hum aik min mai zero kar dety hain? Kyon #mahirakhan ki har baat ko pakarna hum ne apna qomi farz samajh lia hai.. mai ne 2 dafa vote cast kia hai magar kuch fark nahi para .. kya aik aam insaan ki tarha mai is saal ka vote mis nahi kar sakta?? Kya apni commitment ko poora nahi kar sakta ?? Kyon aap 18 se 30 saal k log apny se bary actors ko galiyan dety rehty hain?. Aap k gharon mai kya sirf vote k bary mai bataya jata hai baron ki izzat k bary mai nahi,?? Agar hamari bhool aik jurm hai toh hamary wapas aaty hi police hamen arrest kary aur case chalae.. naye Pakistan mai bhi hum behtar law and order hi chahty hain toh let’s start with that . #respect #peace #pakistanzindabad💚💚💚 Aur han @imranabbas.official agar aap k samny k naye bachy perform kar rahy hain toh dil bara karen aur machis ko pocket mai hi rakhen Shukria 🙏🏼

A post shared by yasir hussain (@yasir.hussain131) on

خیال رہے کہ ملک بھر میں عام انتخابات کی تیاریاں مکمل کرلی گئی ہے، کل دس کروڑ 59 لاکھ سے زائد ووٹرز حق رائے دہی استعمال کریں گے۔

قومی اورصوبائی اسمبلیوں کی نشستوں کےلیےآزادامیدواروں سمیت مختلف سیاسی جماعتوں کےگیارہ ہزارسےزائد امیدواروں کے درمیان مقابلہ ہے، پولنگ صبح آٹھ بجے سے بلا تعطل شام 6بجے تک جاری رہے گی جبکہ نتائج کا سلسلہ 7 بجے سے شروع ہوگا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں