برطانیہ سے تعلق رکھنے والے 50 سالہ ڈیوڈ سارجنٹ نے 15 سال تک قومی ہیلتھ سروس میں اپائنٹمنٹ کا انتظار کرنے کے بعد اپنا علاج خودہی کرلیا۔
غیر ملکی میڈیا کے مطابق 15 سال تک ڈیوڈ سارجنٹ نے دانت کی تکلیف برداشت کی۔ وہ جب بھی اپائنٹمنٹ لینے کی کوشش کرتے ناکامی ان کا مقدر بنتی۔ انہوں نے یہ قدم دل برداشتہ ہوکر اٹھایا۔
ڈیوڈ سارجنٹ نے دانت نکالنے کے دوران درد سے بچنے کے لیے بیئر پی اور پین کلر گولی لی۔
- Advertisement -
انہوں نے بتایا کہ میں روزانہ دانت کو پلاس سے کھینچ کر ڈھیلا کرتا تھا اور ایک دن یہ نکل آیا، اس کے بعد سے پُرسکون ہوگیا ہوں۔
ڈیوڈ سارجنٹ پیشے کے اعتبار سے قصاب ہیں جو ملکی صحت کے نظام پر اپنا اعتماد کھو بیٹھے ہیں۔ وہ کئی سالوں سے دانت کے درد میں مبتلا رہے۔ وہ دماغی صحت کے مسائل سے بھی دوچار ہیں۔
