The news is by your side.

Advertisement

کراچی: عید خریداری کا آخری روز، شہریوں کو ایک اور مشکل کا سامنا

کراچی: مرکزی بینک کی ہدایات نظر انداز، عید الفطر سے قبل ہی متعدد بینکوں کی اے ٹی ایم مشینیں خالی ہوگئیں ہیں۔

تفصیلات کے مطابق شہر قائد سمیت سندھ بھر میں عید خریداری کا آج آخری روز ہے، مارکیٹوں میں بے ہنگم رش کے ساتھ ساتھ خریداروں کو ایک اور مشکل کا سامنا کرنا پڑ رہا ہے، شہر قائد میں اکثر اے ٹی ایم مشینیں کیش سے خالی ہوگئیں ہیں۔

اطلاعات کے مطابق کئی مشینیں آؤٹ آف سروس کا میسج دینےلگی ہیں، جس کے باعث شہریوں کو کیش کےحصول میں شدید مشکلات کا سامناہے، شہری کیش حاصل کرنےکیلئے ایک سے دوسرے بینک کی اےٹی ایم کےچکر لگا رہےہیں۔

یہ بھی پڑھیں: حکومت کا 15 اور ساڑھے 7 ہزار کا انعامی بانڈ ختم کرنے کا فیصلہ

واضح رہے کہ مرکزی بینک نے تمام بینکوں کو ہدایت کی تھی کہ عید الفطر کی تعطیلات کے دوران اپنی اے ٹی ایم مشینوں میں کیش کی فراہمی کو یقینی بنانے کے لئے اقدامات کریں تاکہ عوام کو کسی پریشانی کا سامنا نہ کرنا پڑے۔

یاد رہے کہ کرونا ایس اوپیز پر پہلےہی بینک 50 فیصد برانچوں کےساتھ کام کررہےہیں۔

Comments

یہ بھی پڑھیں