شوبز انڈسٹری کی ابھرتی ہوئی اداکارہ ماریہ ملک نے معنی خیز پوسٹ شیئر کردی۔
فوٹو اور ویڈیو شیئرنگ ایپ انسٹاگرام پر اداکارہ ماریہ ملک نے بلیک اینڈ وائٹ تصویر شیئر کی جس میں انہیں سنجیدگی کا تاثر دیتے دیکھا جاسکتا ہے۔
ماریہ ملک نے تصویر شیئر کرتے ہوئے کیپشن میں لکھا کہ ’آپ کی زندگی میں ہر چیز آپ کی پسند کی عکاسی کرتی ہے، اگر آپ مختلف نتیجہ چاہتے ہیں تو مختلف انتخاب کریں۔‘
اداکارہ نے چند گھنٹوں قبل یہ پوسٹ شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
ماریہ ملک سوشل میڈیا پر کافی متحرک رہتی ہیں اور اکثر مزاحیہ ویڈیو شیئر کریتی رہتی ہیں جسے ان کے مداح بھی پسند کرتے ہیں۔
اس سے قبل بھی اداکارہ نے مزاحیہ ویڈیو شیئر کی تھی جو وائرل ہوگئی تھی۔
واضح رہے کہ ماریہ ملک نے اے آر وائی ڈیجیٹل کے ڈرامہ سیریل ’دل ہی تو ہے‘ میں ’سبرینا‘ کا مرکزی کردار نبھایا تھا جس کی دیگر کاسٹ میں زویا ناصر، علی انصاری، حماد شعیب ودیگر شامل تھے۔
