شادی ہالز کی لائسنس فیس کتنی ہوگی اور یہ اب آن لائن کس طرح بنوائی جاسکتی ہے، اس حوالے سے پنجاب فوڈ اتھارٹی نے تفصیلات بتائی ہیں۔
پنجاب فوڈ اتھارٹی صوبے میں کھانے کے معیار کو یقینی بنانے کے حوالےل سے شادی ہالز سمیت کھانے کے کاروبار کے لیے لائسنس جاری کرنے کی مجاز اتھارٹی ہے، محکمنے نے اب کاروبار کو آن لائن رجسٹر کرنا آسان بنا دیا ہے۔
نئی سروس کے تحتب، شادی ہال مالکان یا کھانے سے کاروبار سے منسلک حضرات ایک فارم کا استعمال کرتے ہوئے اہم کاروباری رجسٹریشن کے لیے درخواست دے سکتے ہیں۔
پنجاب میں میرج ہال کے لیے پی ایف اے لائسنس فیس کا حساب بھی باآسانی لگایا جاسکتا ہے، درخواست دہندہ آن لائن فارم میں کاروبار سے متعلق تفصیلات فراہم کرکے شادی ہال کے لائسنس کی فیس کا حساب بھی لگا سکتا ہے۔
درج ذیل تفصیلات کو فارم میں درج کرنا ہوگا جیسے کاروباری کیٹیگری، سرمایہ کاری/ اسٹاک پوزیشن، فی دن اوسط فروخت، کرایہ، ملازمین کی تعداد، مقام اور یوٹیلیٹی بلز کی تفصیلات فراہم کرنا ہوں گی۔
شادی ہال لائسنس کی فیس کتنی ہوگی؟
اگر کسی نے شادی ہال میں 3,000,000 روپے تک کی سرمایہ کاری اور اس میں 75 سے زائد افراد کے بیٹھنے کی گنجائش ہے تو آن لائن فارم بھرنے کے بعد شادی ہال لائسنس کی فیس 50,000 روپے ظاہر ہورہی ہے،
اسی طرح اگر شادی ہال میں زیادہ رقم کی سرمایہ کاری کی گئی ہے اور اس میں لوگوں کے بیٹھنے کی زیادہ گنجائش رکھی گئی ہے تو اس کو مدنظر رکھتے ہوئے ہال کی لائسنس فیس لی جائے گی۔
