بھارت کے شہر حیدرآباد میں بنڈلہ گوڑہ پولیس اسٹیشن کے حدود میں ایک شادی شدہ خاتون کو اجتماعی زیادتی کا نشانہ بنا دیا گیا، سوریہ پیٹ سے تعلق رکھنے والی خاتون گھریلو جھگڑوں کے بعد دو روز قبل حیدرآباد پہنچی تھی۔
غیر ملکی ذرائع ابلاغ کے مطابق زیادتی کا شکار متاثرہ خاتون ہفتہ کی رات املی بن بس ڈپو کے پاس رکی ہوئی تھی کہ دو موٹر سائیکل سوار افراد اسے زبردستی موٹرسائیکل پر سوار کرکے لے گئے، ملزمان نے خاتون کو بنڈلہ گوڑہ کے علاقہ کے گودام میں زیادتی کا نشانہ بنایا۔
زیادتی کا شکار خاتون نے پولیس اسٹیشن میں مقدمہ درج کرادیا گیا ہے، جبکہ پولیس کا کہنا ہے کہ تحقیقات شروع کردی گئی ہیں اور ملزمان کو جلد گرفتار کرلیں گے۔
اس سے قبل بھارت کی ریاست اتر پردیش کے شہر مرزاپور میں دو ملزمان نے 14 سالہ آرکسٹرا ڈانسر کو اجتماعی جنسی زیادتی کا نشانہ بنا دیا۔
میڈیا رپورٹس کے مطابق مرزاپور پولیس نے بتایا کہ متاثرہ رقاصہ اپنے خالہ زاد بھائی کے ساتھ رہتی ہے جو خود بھی آرکسٹرا کنڈیکٹر ہے، لڑکی روزانہ رقص کی کلاس لینے آرکسٹرا جاتی ہے۔
بدھ کی رات خالہ زاد بھائی کے دو دوست نشے کی حالت میں گھر میں داخل ہوئے، انہوں نے لڑکی کے ساتھ چھیڑ چھاڑ اور غیر اخلاقی حرکات کیں۔
جس وقت ملزمان آئے گھر میں متاثرہ رقاصہ کے علاوہ کوئی بھی موجود نہیں تھا۔ انہوں نے 14 سالہ لڑکی کو جنسی زیادتی کا نشانہ بنایا اور باآسانی فرار ہوگئے۔
آرکسٹرا ڈانسر نے فوری طور پر پولیس سے رجوع کیا اور ملزم کے خلاف شکایت درج کروائی۔ مرزاپور پولیس کے مطابق متاثرہ لڑکی کے والد ممبئی میں رہتے ہیں اور اس کا خالہ زاد بھائی بھی نشہ کرتا ہے۔
اڈیالہ جیل میں قیدی مبینہ زیادتی کے بعد قتل
پولیس نے بتایا کہ مقدمہ درج کرنے کے بعد ملزمان اور متاثرہ لڑکی کے کزن کو گرفتار کر لیا جن سے تفتیش کی جا رہی ہے۔
