نیویارک: امریکی خلائی ادارے ناسا نے مریخ پر مشن کی لینڈنگ اور آواز کی ویڈیو جاری کردی۔
بین الاقوامی میڈیا رپورٹ کے مطابق امریکی خلائی ادارے نے مریخ کی سطح پر گزشتہ دنوں لینڈ کرنے والے مشن ’پرسیویرینس روٗور ‘ کے اترتے وقت کی آواز اور ویڈیو جاری کردی۔
ناسا کی جانب سے جاری ہونے والی تین منٹ پچیس سیکنڈ کی ویڈیو میں مشن کے اترتے وقت پیرا شوٹ کھلنے اور دھوئیں کے بادل دیکھے جاسکتے ہیں جبکہ پس منظر سے ایک آواز بھی آرہی ہے۔
ناسا کے خلا بازوں نے بتایا کہ مشن کی لینڈنگ کے وقت آنے والے آواز مریخ پر ہلکی ہوا چلنے کی ہے۔ مارس روٗور نے یہ آواز لینڈنگ کے بعد ریکارڈ کر کے مانیٹرنگ روم کو بھیجی۔
مزید پڑھیں: امریکی خلائی مشن نے مریخ سے پہلی تصویر بھیج دی
ناسا حکام نے بتایا کہ مریخ کی سطح پر بھیجا جانے والا مشن پروگرام کے مطابق کام کررہا ہے۔
واضح رہے کہ 19 فروری کو امریکی خلائی مشن نے ناسا پر لینڈنگ کی تھی، جس کے بعد پہلی تصویر بھی سامنے آئی تھی۔ ناسا کی جانب سے جاری بیان کے مطابق 30 جولائی 2020 کو خلا میں بھیجا گیا مارس پریزروینس روٗور سات ماہ میں 20 کروڑ 22 لاکھ کلومیٹر کا سفر طے کرکے مریخ پر پہنچا۔
غیر ملکی میڈیا کا کہنا ہے کہ امریکی خلائی مشن پریزوینس روٗور کو سرخ سیارے کے خطِ استوا (ایکوئیٹر) کے قریب واقع ایک گہرے گڑھے میں اتارا ہے۔
واضح رہے کہ مریخ پر زندگی کی تلاش اور آثار کا مشاہدہ کرنے کے لیے ناسا کی جانب سے اس سے قبل بھی پانچ مشن سیارے پر بھیجے گئے ہیں۔
📸 Did you know @NASAPersevere is equipped with 19 cameras, plus four more on other parts of the entry, descent and landing hardware — more than any other Mars mission? Take a look at thousands of images already captured: https://t.co/K4PfCM8BLz pic.twitter.com/bSHdEFw3TZ
— NASA (@NASA) February 23, 2021
ذرائع ابلاغ کا کہنا ہے کہ چھ پہیوں والا یہ روبوٹ پریزروینس روٗور دو سال تک مریخ کے اس گڑھے کے پتھروں میں ڈرلنگ کر کے ماضی میں یہاں زندگی کی موجودگی کے ثبوت اکٹھے کرے گا۔
