پاکستانی ڈرامہ انڈسٹری کی معروف اداکارہ عروہ حسین کا کہنا ہے کہ خاتون سب انسپکٹر میری روز نے طلاق کی بدنامی کی وجہ سے خودکشی کی ہے۔
اداکارہ عروہ حسین نے سماجی رابطے کی ویب سائٹ ٹویٹر پر لکھا کہ ’خاتون سب انسپکٹر میری روز نے پاکستان میں خودکشی کی اور جہاں تک مجھے اطلاعات موصول ہوئی ہیں خاتون کو طلاق دی جارہی تھی اور اس بدنامی کی وجہ سے انہوں نے خودکشی کرلی۔
عروہ حسین نے سوالیہ انداز میں کہا کہ کب ہم طلاق کو بدنام کرنے اور عورت کے اپنی مرضی سے جینے اور سانس لینے کے بنیادی حق کو روکیں گے؟
اُنہوں نے کہا کہ ہم کیوں اس کے بارے میں بات نہیں کر رہے ہیں؟ ہمیں کس بات کا خوف ہے؟
Female Sub-inspector Mary Rose commits suicide in Pakistan & from wht I gather of th story she chose suicide over divorce.When r we going to stop stigmatising divorce & a woman’s basic right to live & breathe with her own choice?Why aren't we talking about this?!What do we fear?!
— URWA HOCANE (@VJURWA) March 17, 2022
واضح رہے کہ گزشتہ دنوں رحیم یار خان سے تعلق رکھنے والی سب انسپکٹر میری روز نے شوہر سے تنگ آکر زہریلی گولیاں کھاکر خودکشی کرلی تھی۔
پولیس کی ابتدائی تفتیش کے مطابق دونوں میں اکثر جھگڑا رہتا تھا، دونوں کی 2 بیٹیاں بھی ہیں، سب انسپکٹر میری روز کے شوہر دلاور لاہور میں پولیس انسپکٹر ہیں۔
میری روز نے خودکشی قبل اپنی ڈریسنگ ٹیبل کے آئینے پر پیغام لکھا تھا جس میں اُنہوں نے اپنی والدہ سے کہا تھا کہ ’دعا کرنا میری جان سکون سے نکل جائے، میری بیٹیوں کی شادی کسی انسان سے کرنا جو ذمہ داری اٹھاسکے۔‘
