وزیر اطلاعات مریم اورنگزیب نے کہا ہے فواد چوہدری کے بیان پر ردعمل دیتے ہوئے کہا ہے کہ آپ روئیں، چیخیں یا پیٹیں اسحاق ڈار وطن واپس آچکے ہیں۔
وفاقی وزیر اطلاعات ونشریات مریم اورنگزیب نے اپنے بیان میں کہا کہ اسحاق ڈار کی واپسی پر ایک فارن ایجنٹ کا رونا بنتا ہے، ہیروں اور گھڑیوں کےسوداگر، آٹا اور چینی چور کا رونا بنتا ہے۔
مریم اورنگزیب نے مزید کہا کہ اسحاق ڈار کسی عدالت سے سزا یافتہ نہیں، وہ جلد سینیٹر کا حلف اٹھائیں گے۔
واضح رہے کہ فواد چوہدری نے اسحٰق ڈار کی وطن واپسی پر سماجی رابطوں کی ویب سائٹ ٹوئٹر پر اپنے ٹوئٹ میں کہا تھا کہ ڈار انٹری ایک نئے بحران کے سوا کچھ نہیں۔
یہ بھی پڑھیں: اسحاق ڈار کی واپسی، تحریک انصاف کے رہنماوں کی کڑی تنقید
پی ٹی آئی رہنما نے یہ بھی کہا تھا کہ اسحٰق ڈار کا واپس آنا پاکستان کے نظام انصاف کے منہ پر زناٹے دار تھپڑ ہے۔
