شوبز انڈسٹری کی معروف اداکارہ ماورا حسین کا کہنا ہے کہ ایسی محبت کی تلاش میں ہوں جو آسان ہو۔
اداکارہ ماورا حسین نے اداکار دانیال ظفر کے ساتھ ویب شو میں شرکت کی جہاں انہوں نے میزبان کی جانب سے پوچھے گئے مختلف سوالات کے جوابات دیے۔
ماورا حسین نے بتایا کہ فی الحال میں کسی کے ساتھ بھی محبت کے رشتے میں نہیں ہوں کیونکہ میں ایسی محبت کی تلاش میں ہوں جو آسان ہو، آسان سے میرا مطلب یہ نہیں ہے کہ میں محبت میں سست ہونا چاہتی ہوں بلکہ تعلقات آسان ہونے چاہئیں۔
انہوں نے کہا کہ ہم اپنے لیے ماں، باپ بہن، بھائیوں کا انتخاب نہیں کرتے تو اگر ہمیں ان رشتوں میں پریشانیوں کا سامنا کرنا پڑتا ہے تو ہم خود کو قصور وار نہیں ٹھہراتے اور نہ ہی ناشکری کرتے ہیں جبکہ جیون ساتھی کا انتخاب ہم خود کرتے ہیں۔
اداکارہ نے کہا کہ ہمیں ایسے شخص کا انتخاب کرنا چاہیے جس کے ساتھ آسانی کے ساتھ پوری زندگی گزر سکے، جس کے ساتھ تعلقات مشکل نہ ہوں۔
واضح رہے کہ ماورا حسین کی ساتھی اداکار امیر گیلانی کے ساتھ ڈیٹنگ کی افواہیں سوشل میڈیا پر گردش کرتی رہتی ہیں تاہم اداکاروں نے اس سے متعلق کوئی تصدیق یا تردید نہیں کی ہے۔
اس سے قبل ماورا حسین کا کہنا تھا کہ امیر گیلانی ایک زبردست انسان ہیں اور ہم دونوں بہت گہرے دوست ہیں اور اگر دو دوست آپس میں شادی کرنا چاہیں تو شادی بھی کرسکتے ہیں۔
امیر گیلانی نے بھی ماورا حسین کو وکالت کی ڈگری ملنے پر مبارک باد دی تھی۔
