The news is by your side.

Advertisement

ممبئی، میڈیکل اسٹور میں آگ لگنے سے 8 افراد ہلاک

ممبئی: ممبئی میں میڈیکل اسٹور میں آگ لگنے سے 8 افراد ہلاک ہو گئے ہیں جب کہ میڈیکل اسٹور مکمل طور پر جل کر راکھ ہو گیا۔

غیر ملکی خبر رساں ایجینسی کے مطابق جمعرات کی صبح 6 بجے ممبئی کے علاقے وائر لیس روڈ پر واقع ’’وفا میڈیکل اسٹور‘‘ میں اچانک آگ بھڑک اُٹھی،آگ اتنی شدید تھی کہ میڈیکل اسٹور کی پہلی منزل اور دوسری منزل پر واقع رہائشی گھر کو بھی اپنے لپیٹ میں لے لیا جس کے نتیجے میں 8 افراد ہلاک ہو گئے ہیں۔

زخمی ہونے والے افراد کو فوری طبی امداد کے لیے قریبی اسپتال منتقل کیا گیا، جہاں اسپتال انتظامیہ نے 8 افارد کے جاں بحق ہونے کی تصدیق کردی ہے۔

واقعے کی اطلاع ملتے ہی پولیس موقع پر پہنچ گئی اور شواہد اکھٹا کرنا شروع کردیے،ڈی ایس پی اشوک کے مطابق ابتدائی تحقیقات جاری ہیں،حادثے سے متعلق کچھ بھی کہنا قبل از وقت ہوگا تاہم خیال ظاہر کیا جارہا ہے کہ میڈیکل اسٹور میں آگ شارٹ سرکٹ ہونے سے لگی،میڈیکل اسٹور کے اوپری منزل میں اہل خانہ رہائش پذیر تھے۔

ریسکیو ادارے کے مطابق آگ کی نذر ہو جانے والے میڈیکل اسٹور کی اوپری منزل میں 9 افراد قیام پذیر تھے جس میں 8 افراد دم گھٹنے اور جھلس جانے سے 8 افراد جاں بحق ہوگئے جب ایک خاتون شدید زخمی حالت میں اسپتال میں موجود ہیں جن کا علاج جاری ہے،ڈاکٹر خاتون کی جان بچانے میں مصروف ہیں۔

Print Friendly, PDF & Email

Comments

comments

یہ بھی پڑھیں