ریاض : امریکی صدرڈونلڈ ٹرمپ اپنے پہلے غیر ملکی دورے پر اپنی اہلیہ کے ہمراہ سعودی عرب پہنچ گئے لیکن میلانیا ٹرمپ کے سر سے اسکارف غائب تھا۔
امریکی صدر ڈونلڈ ٹرمپ اور ان کی اہلیہ میلانیا ٹرمپ جب ریاض ایئرپورٹ پر اترے تو سعودی عرب کے فرماں رواں شاہ سلمان بن عبدالعزیز نے کو خوش آمدید کہا، اس موقع پر امریکی صدر کو گارڈ آف آنر بھی پیش کیا گیا۔
مزید پڑھیں : امریکی صدرڈونلڈ ٹرمپ اپنے پہلے غیرملکی دورے پر سعودی عرب پہنچ گئے
اس موقع پر میلانیا ٹرمپ سیاہ رنگ کی فل آستین کی ڈریس میں نظر آئیں لیکن انکے سر پر اسکارف نہیں تھا۔
یاد رہے کہ سعودیہ عرب میں سر سے لے کر پاؤں تک کپڑے پہننے کی ہدایت بھی ہے لیکن میلانیا ٹرمپ نے سر پر اسکرف نہیں لیا تھا۔
اس سے قبل سعودی وزیر خارجہ عادل بن احمد الجبیرکا کہنا تھا کہ دورہ سعودی عرب پر امریکی خاتون اول اور ان کی بیٹی کے لیے اسکارف پہننا ضروری نہیں, ہم میلانیا اور ایوانکا کو ہر سٹائل کے لباس میں خوش آمدید کہتے ہیں۔
واضح رہے یہ پہلی بار نہیں کہ کسی غیر ملکی خاتون نے اسکراف نہیں لیا ہو، ماضی میں سابق خاتونِ اول مشیل اوبامہ نے بھی سر پر اسکارف نہیں لیا اسکے علاوہ سابق سیکیٹر ی آف اسٹیٹ ہلری کلنٹن اور سابق وزیرِ خارجہ کونڈولیزارائس نے بھی دورہ سعودیہ عرب کے دوران سر پر اسکارف نہیں لیا تھا۔
