میکسیکو سٹی: میکسیکن صدر انریق پینا نیٹو نے امریکی صدر ڈونلڈ ٹرمپ کے تنبیہی پیغام کے بعد دورہ امریکا منسوخ کردیا۔
تفصیلات کے مطابق گزشتہ روز امریکی صدر نے میکسیکو کی سرحد پر تعمیر کی جانے والی دیوار کی منظوری دیتے ہوئے ٹوئٹر پیغام میں خبردار کیا تھا کہ میکسیکو کی حکومت کو دیوار کی تعمیر کے اخراجات کرنے ہوں گے تاہم اگر وہاں کی حکومت اگر اس رقم کو ادا نہیں کرسکتی تو انہیں واشنگٹن کا طے شدہ دورہ منسوخ کردینا چاہیے۔
Esta mañana hemos informado a la Casa Blanca que no asistiré a la reunión de trabajo programada para el próximo martes con el @POTUS.
— Enrique Peña Nieto (@EPN) January 26, 2017
امریکی صدر کے ٹوئٹر پیغام کے جواب میں میکسیکن صدر نے ٹرمپ کے پیغام کی مذمت کرتے ہوئے امریکا کا دورہ منسوخ کردیا، انہوں نے کہا کہ بطور صدر ملک اورقوم کا دفاع کرنا میری ذمہ داری ہے۔
پڑھیں: میکسیکو کی دیوار تعمیر کی جائے گی، ٹرمپ نے منظوری دے دی
میکسیکو کے صدر نے ٹرمپ کے اعلان کے بعد قوم سے خطاب کرتے ہوئے مزید کہا کہ میں کئی بار کہہ چکا ہوں کہ میکسیکو کسی بھی دیوار کی تعمیر کے لیے رقم نہیں دے گا، امریکی صدر یہ سب ایسے وقت میں کررہے ہیں کہ جب ہم شمالی امریکا میں تعاون کے نئے قوانین، تجارت، سرمایہ کاری، سیکیورٹی، امیگریشن کی بات کر رہے ہیں۔
México reitera su voluntad de trabajar con los Estados Unidos para lograr acuerdos en favor de ambas naciones.
— Enrique Peña Nieto (@EPN) January 26, 2017
خیال رہے کہ قبل ازیں صدر ٹرمپ نے جمعرات کو اپنے ٹوئٹر پیغام خبردار کیا ہے کہ اگر وہ سرحد پر دیوار کی تعمیر کے اخراجات نہیں دیں گے تو انھیں واشگٹن کا طے شدہ دورہ منسوخ کر دینا چاہیے۔
