The news is by your side.

Advertisement

مینارپاکستان واقعہ، 6 ملزمان جسمانی ریمانڈ پر پولیس کے حوالے

لاہور کی مقامی عدالت نے ٹک ٹاکر خاتون کو ہراساں کرنے کے چھ ملزمان کو تین روزہ جسمانی ریمانڈ پر پولیس ‏کے حوالے کر دیا ۔ ‏

جوڈیشل مجسٹریٹ حسن سرفراز چیمہ نے کیس کی سماعت کی ۔ پولیس نے ملزمان ارسلان ، افتخار اور مہران ، ‏شہریار ، عابد اور ساجد کو پیش کر کے جسمانی ریمانڈ کی استدعا کی۔

تفتیشی افسر نے کہا کہ تفتیش اور برآمدگی کے لیے چودہ روزہ ریمانڈ دیا جاٸے ۔ ملزمان کے وکیل نے کہا کہ ‏وہ پہلے ہی بیس روز جیل میں گزار چکے ہیں لہذا جسمانی ریمانڈ نہ دیا جاٸے ۔

عدالت نے ملزمان کو تین روزہ جسمانی ریمانڈ پر پولیس کے حوالے کرتے ہوٸے 9 ستمبر کو پیش کرنے کا حکم ‏دیا۔
اس موقع پر ملزمان پھٹ پڑے ان کا کہنا تھا واقعہ سے کوٸی تعلق انہیں گھر سے لا کر گرفتار کیا گیا ۔ ملزم ‏افتخار کا کہنا تھا کہ وہ والد کے کینسر کے علاج کے لیے دیر سے آیا ہے ۔

ملزم مہران نے عدالت کو بتایا وہ 17 تاریخ کو لاہور آیا اور 18 کو گرفتار کر لیا گیا ۔ واقعہ کے وقت وہ لاہور میں ‏موجود نہیں تھا۔

Comments

یہ بھی پڑھیں