کراچی میں میر مصطفےٰ راشدی نے ریسٹورینٹ منیجرکو گولی ماردی -
The news is by your side.

Advertisement

کراچی میں میر مصطفےٰ راشدی نے ریسٹورینٹ منیجرکو گولی ماردی

کراچی:شہرقائد میں ریسٹورنٹ میں جھگڑےکےدوران میرمصطفےٰ راشدی نےہوٹل منیجرکوگولی ماردی، پولیس نے مقدمہ درج کرلیا ہے۔

تفصیلات کے مطابق کراچی کے علاقے ملیر میں واقع ایک ریسٹورینٹ میں جھگڑے کے دوران میر مصطفےٰ راشدی نے ہوٹل مینجر پر فائر کھول دیا، فائرنگ کے سبب ہوٹل منیجرشدید زخمی ہوا ہے۔

عینی شاہدین کا کہنا ہے کہ اس موقع پر میر مصطفےٰ کے ساتھ موجود حر فورس کے گارڈز نے ریسٹورینٹ میں موجود دیگر افراد کے ساتھ بھی بدتمیزی کی۔

پولیس کا کہنا ہے کہ ریسٹورینٹ انتظامیہ کی مدعیت میں اقدام قتل کا مقدمہ درج کرلیا گیا ہے ، واقعے کے وقت ملزم کا بھائی اطہر راشدی بھی ساتھ تھا، جب کہ ان دونوں کی حفاظت کے لیے حر فورس کے گارڈز بھی موجود تھے۔

مقدمے میں درج کیا گیا ہے کہ کارسوارملزمان نےشراب کےنشےمیں ریسٹورنٹ میں ہنگامہ آرائی کی۔ملزمان کےزیراستعمال گاڑی تحویل میں لےلی گئی ہے، گاڑی میں سےشراب بھی برآمد ہوئی ہے۔

تحویل میں لی گئی گاڑی سیدمیرمصطفیٰ راشدی کےنام رجسٹرڈہے،پولیس کے مطابق واقعےکی تحقیقات کی جارہی ہیں،ملزمان کو جلد گرفتار کرلیاجائے گا۔

Comments

comments

یہ بھی پڑھیں