The news is by your side.

Advertisement

کرونا وائرس کے معاملے پر پاکستان کی بڑی فتح، مودی سارک کانفرنس بلانے پر رضا مند

نئی دہلی: بھارتی وزیراعظم نریندر مودی نے کرونا وائرس سے متعلق سارک کانفرنس بلانے کا مشورہ دیتے ہوئے پاکستان کو شرکت کی دعوت دے دی۔

اے آر وائی نیوز کی رپورٹ کے مطابق بھارتی وزیراعظم نریندرمودی نےسارک کی اہمیت کو تسلیم کرتے ہوئے  کورونا وائرس سےمتعلق کانفرنس کے انعقاد کا اعلان کیا اور پاکستان کو شرکت کی درخواست دی جو حکومت کو موصول ہوگئی۔

رپورٹ کے مطابق بھارتی درخواست پر پاکستان نے وزیر  مملکت کی سطح پر شرکت کی رضا مندی کا عندیہ دیا۔ بھارت کا سارک کے پلیٹ فارم کو ماننا پاکستان کےمؤقف کی فتح ہے۔

مزید پڑھیں: کرونا وائرس نے دنیا کو ہلا کر رکھ دیا، 5839 ہلاکتیں ریکارڈ

رپورٹ میں بتایا گیا ہے کہ مقبوضہ کشمیر میں 5کرونا وائرس کے کیسز کا انکشاف ہوا ہے، مقبوضہ کشمیر میں جاری لاک ڈاؤن کی وجہ سے کرونا کی ہلاکتوں میں اضافے کا خدشہ ظاہر کیا جارہا ہے۔

کرونا کی وجہ سے ہونے والے لاک ڈاؤن کے بعد دنیا کو کشمیریوں کی تکلیف کا احساس ہوگیا، اب وقت آگیا ہے کہ عالمی برادری اور ڈبلیو ایچ او مقبوضہ کشمیر کی صورت حال کا نوٹس لے۔

یاد رہے کہ مقبوضہ کشمیر میں بھارتی لاک ڈائون کو 217 روز گزر چکے ہیں، مظلوم کشمیری 7 ماہ 4 دن سے بنیادی حقوق سے محروم  اور گھروں میں قید ہے۔

fb-share-icon0
Tweet 20

Comments

comments

یہ بھی پڑھیں