امریکا پوری دنیا میں عدم استحکام پیدا کرنا چاہتا ہے، مولانا فضل الرحمان Fazl ur Rehman
The news is by your side.

Advertisement

امریکا پوری دنیا میں عدم استحکام پیدا کرنا چاہتا ہے، فضل الرحمان

اسلام آباد : سربراہ جمعیت علمائے اسلام مولانا فضل الرحمان نے کہا ہے کہ ہمیں کوئی بھی فیصلہ کرنے سے قبل عالمی ایجنڈے کو سامنے رکھنا چاہیے اور کسی ملک کے ساتھ تعلقات خراب نہیں کرنا چاہتے۔

پارلیمنٹ کے اجلاس کے بعد میڈیا سے بات چیت کرتے ہوئے انہوں نے کہا کہ ملکی سلامتی کے لیے تمام اداروں کو ایک صفحے پر ہونا چاہئے اور کوئی بھی پالیسی مکمل ہم آہنگی کے ساتھ بنائی جائے۔

انہوں نے کہا کہ امریکا پوری دنیا میں عدم استحکام پیدا کرنا چاہتا ہے اور اپنی متنازع پالیسی کے ذریعے پوری دنیا کو میدان جنگ بنانا چاہتا ہے ایسی صورت حال میں ہمیں بہت سوچ بچار کے بعد پالیسی مرتب کرنے کی ضرورت ہے۔

مولانا فضل الرحمان نے کہا ہے کہ اپنے گھر کو ٹھیک کرنا شاید مسلم لیگ (ن) کا اندرونی معاملہ ہے میری تو خواہش ہے کہ ملک کے اداروں کو ایک دوسرے کا احترام کرنا چاہیے اور متحد ہو کر مسائل کے حل کی طرف جانا چاہیے۔

سربراہ جمیعت علمائے اسلام نے کہا کہ نیب میں پیش ہونے پر شریف خاندان کو تحفظات ہیں جن کا ازالہ ہونا چاہیے اور ہم سب کی خواہش ہے کہ ملک میں جمہوری نظام مضبوط اور مستحکم ہو۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں