The news is by your side.

Advertisement

کرونا وبا کے بعد ریلیز ہونے والی پہلی پاکستانی فلم کا ٹیزر جاری

سوال کرنا کیوں‌ نہیں آتا ہمیں، کیوں‌ ایک جھوٹے الزام کا بوجھ اپنے سینے پر اٹھائے پھر رہے ہیں؟ کرونا وبا کے بعد ریلیز ہونے والی پہلی پاکستانی فلم کا ٹیزر جاری ہو گیا۔

فلم والا پکچرز نے اپنی نئی فلم ‘کھیل کھیل میں’ کا ٹیزر جاری کر دیا، یہ فلم 19 نومبر کو ملک بھر کے سینیما گھروں کی زینت بنے گی۔

فلم کی مرکزی کاسٹ میں بلال عباس خان، سجل علی، جاوید شیخ، منظر صہبائی اور مرینہ خان شامل ہیں۔

ملک بھر کے سینیما گھروں میں نمائش کے لیے پیش کی جانے والی فلم ‘کھیل کھیل میں’ پہلی پاکستانی فلم ہے جو کرونا وبا کے بعد ریلیز کی جا رہی ہے۔

اے آر وائی ڈیجیٹل اور اے آر وائی نیوز اس فلم کے میڈیا پارٹنرز ہیں۔

فلم کا ٹیزر خاصا دل چسپ ہے، کشمکش سے بھرپور جھلکیاں بتا رہی ہیں کہ پاکستانی فلم انڈسٹری میں برسوں بعد ایک اچھی فلم آنے جا رہی ہے۔

سجل علی ایک آڈیٹوریم میں کھڑے ہو کر کہتی ہے:

سوال کرنا کیوں‌ نہیں آتا ہمیں؟

کیوں‌ ایک جھوٹے الزام کا بوجھ اپنے سینے پر اٹھائے پھر رہے ہیں؟

کیوں‌ نہیں‌ پوچھتے کہ آخر ہوا کیا تھا؟

یا ہم بھی اسی چال کا حصہ بن گئے جو دشمن نے چلی تھی؟

فلم کی ریلیز میں اب زیادہ دن نہیں رہے، 19 نومبر کو اپنے قریبی سینیما کا رخ ضرور کریں۔

Comments

یہ بھی پڑھیں