کراچی: گورنر سندھ کامران خان ٹیسوری کا کہنا ہے کہ مجھے کراچی کا بیٹا اور مہاجر ہونے پر فخر ہے۔
اے آر وائی نیوز کے مطابق ایم کیو ایم کے زیر اہتمام مہاجر کلچر ڈے کی تقریب میں گورنر سندھ کامران خان ٹیسوری نے بطور مہمان خصوصی شرکت کی۔
کامران ٹیسوری نے اس موقع پر خطاب کرتے ہوئے کہا کہ ایم کیو ایم کے کنوینئر خالد مقبول صدیقی نے میرا نام گورنر کے لیے تجویز کیا تھا، اہل کراچی، سندھ کی خدمت کے لیے مجھ کو مامور کیا ہے۔
انہوں نے کہا کہ اہل کراچی کو اب بجلی پانی سے بھی محروم کیا جارہا ہے، اہل کراچی کو جلد تمام محرومیوں سے چھٹکارا دلانا ہے۔
گورنر سندھ نے کہا کہ مجھ کو کراچی کا بیٹا اور مہاجر ہونے پر فخر ہے ہم سب کو مل کر کراچی اور پاکستان کی رونقیں بحال کریں گے۔
واضح رہے کہ ایم کیو ایم کے زیر اہتمام مہاجر کلچر ڈے کا انعقاد کیا گیا ہے جس میں شرکت کے لیے کارکنان ریلیوں کی صورت میں تقریب میں شرکت کے لیے پہنچے۔
