پاکستان کرکٹ ٹیم کے ڈائریکٹر کا عہدہ چھوڑنے پر محمد حفیظ کا اہم بیان سامنے آگیا۔
سماجی رابطے کی ویب سائٹ ایکس پر بیان میں انہوں نے کہا کہ ہمیشہ پاکستان کی نمائندگی کرنے کو پہلی ترجیح دی ڈائریکٹر کا عہدہ اس لیے قبول کیا کہ کچھ مثبت نتائج لا سکوں۔
محمدحفیظ نے کہا کہ پی سی بی نے مجھے چار سال کیلئے ڈائریکٹر کے عہدہ پر مقرر کیا تھا لیکن بدقسمتی سے میرا چار سال کے ٹینور کو دو ماہ تک محدود کر دیا گیا۔
انہوں نے کہا کہ پاکستان کرکٹ کے مستقبل کے لیے نیک خواہشات کرتا ہوں اور میرے مقررہ وقت میں تمام شکستوں کی ذمہ داری لیتا ہوں۔
I always Prioritise and represented Pakistan with dignity and Pride. I accepted the new role as a Director pcb with great passion to make positive reforms but Unfortunately my designated tenure which was offered by @TheRealPCB for 4 years was cut short for 2 mnths on the account…
— Mohammad Hafeez (@MHafeez22) February 16, 2024
اس حوالے سے پاکستان کرکٹ بورڈ کی جانب سے جاری اعلامیے میں ٹیم ڈائریکٹر کا عہدہ چھوڑنے کے باوجود محمد حفیظ کے لیے نیک خواہشات کا اظہار کیا گیا ہے اور ان کی پاکستان کرکٹ کے لیے خدمات کو سراہتے ہوئے ٹیم سے وابستگی پر تہہ دل سے شکریہ ادا کیا ہے۔
ٹیم ڈائریکٹر کے حیثیت سے محمد حفیظ کا مختصر سفر خوشگوار نہ رہا ہے اور ان کے دور میں پاکستان کو آسٹریلیا کے حالیہ دورے میں ٹیسٹ سیریز میں وائٹ واش کی خفت کا سامنا کرنا پڑا تو نیوزی لینڈ سے پانچ میچوں کی ٹی ٹوئنٹی سیریز میں چار ایک سے شکست ہوئی۔
محمد حفیط کے دورہ نیوزی لینڈ کے دوران ہی قومی ٹیم کے کھلاڑیوں سے اس وقت تناؤ پیدا ہو گیا تھا جب انہوں نے ٹیم ڈائریکٹر کے حیثیت سے کھلاڑیوں کو غیر ملکی ٹی ٹوئنٹی لیگز کے لیے این او سی دینے سے انکار کیا تھا جب کہ کھلاڑیوں کی کارکردگی سے بھی خوش نہیں تھے۔
واضح رہے کہ سابق کپتان حفیظ نے پاکستان کی نمائندگی کرتے ہوئے 55 ٹیسٹ، 218 ون ڈے اور 119 ٹی20 مقابلوں میں 12 ہزار 780 رنز بنائے جبکہ 253 وکٹیں حاصل کر رکھی ہیں۔
