نیویارک: اقوام متحدہ میں پاکستان کے مستقل مندوب منیر اکرم نے سیکیورٹی کونسل میں بھارتی بریفنگ کو مایوسی کا عکاس قرار دیتے ہوئے کہا کہ بھارت افغانستان میں جاری تنازعے کو طول دیناچاہتاہے۔
تفصیلات کے مطابق سیکیورٹی کونسل میں بھارتی بریفنگ پر رد عمل کا اظہار کرتے ہوئے کہا کہ افغان تنازع کے سیاسی حل کی تلاش پر عالمی اتفاق رائےموجود ہے مگر اس کے برعکس بھارت افغانستان میں عالمی اتفاق رائےکےخلاف کام کررہاہے،بھارت افغانستان میں جاری تنازع کو طول دیناچاہتاہے۔
The Indian role in supporting terrorist groups also raises questions on its so-called impartiality as the Chair of the 1988 Taliban Sanctions Committee. The Security Council must not allow India to derail the ongoing Intra-Afghan Negotiations: Amb Munir Akram @PakistanUN_NY
4/5— Permanent Mission of Pakistan to UN, NY (@PakistanUN_NY) February 10, 2021
منیر اکرم نے بھارت کو کرارا جواب دیتے ہوئے کہا کہ بھارت پاکستان کے خلاف دہشت گردوں کی سرپرستی کررہا ہے، افغانستان میں بھارت ٹی ٹی پی اوردیگر دہشت گرد گروپوں کی معاونت کررہاہے
اقوام متحدہ میں پاکستان کے مستقل مندوب نے کہا کہ پاکستان نےاقوام متحدہ میں بھارت کےخلاف ناقابل تردیدثبوت دیئے،جس کے باعث پاکستان کےخلاف مذموم بھارتی پروپیگنڈا مہم ناکامی سےدوچارہوئی اور بھارت اقوام متحدہ کی رپورٹس مسخ کرنے میں ناکام ہوا،سیکیورٹی کونسل میں بھارتی بریفنگ شدید مایوسی کا عکاس ہے، پاکستانی مندوب نے مطالبہ کیا کہ سلامتی کونسل افغان مذاکرات ناکام بنانےکی بھارتی کوشش روکے۔
Pakistan has provided irrefutable evidence of India’s support & financing of UN-listed TTP&JuA to UNSC 1267 Sanctions Committee.We call on the Committee to initiate immediate action against Indian agencies involved in sponsorship of terrorism against Pakistan: Amb Munir Akram 3/5
— Permanent Mission of Pakistan to UN, NY (@PakistanUN_NY) February 10, 2021