پی ٹی آئی کے رکن قومی اسمبلی وسابق وفاقی وزیر مراد سعید نے قومی اسمبلی کی نشست سے استعفیٰ دیدیا ہے اور اپنا استعفیٰ اسپیکر قومی اسمبلی کو بھجوا دیا ہے۔
اے آر وائی نیوز کے مطابق پاکستان تحریک انصاف کے رکن قومی اسمبلی وسابق وفاقی وزیر مراد سعید قومی اسمبلی کی نشست سے مستعفی ہوگئے ہیں اور انہوں نے اپنا استعفیٰ اسپیکر قومی اسمبلی کو بھجوا دیا ہے۔
مراد سعید کے قومی اسمبلی سے مستعفی ہونے کی خبر اس خبر کے فوری بعد سامنے آئی جس میں بتایا گیا کہ پی ٹی آئی کی پارلیمانی پارٹی کے اجلاس میں تمام اراکین نے قومی اسمبلی سے مستعفی ہونے کا فیصلہ کیا ہے۔
پی ٹی آئی رہنما مراد سعید نے اپنے استعفے کی کاپی سماجی رابطوں کی ویب سائٹ ٹوئٹر پر بھی پوسٹ کی ہے۔
مراد سعید نے جن کی حرصِ زر، ہوس اقتدار نے میری قوم کو “بھکاری” بنایا۔ جن کی غلامانہ زہنیت نے میرے گھروں کو مقتل گاہ، میرے لوگوں کو پناہگزین میری ماں کو زندہ درگور کردیا میں ان کو اس ملک کا سربراہ مانوں؟ absolutely not یہ فیصلہ فقط میرا نہیں میرے ملک کی ۲۲ کروڑ عوام کا بھی ہے pic.twitter.com/Mqln6tfVGe
— Murad Saeed (@MuradSaeedPTI) April 11, 2022
مراد سعید نے اپنے ٹوئٹر پیغام میں کہا ہے کہ جن کی حرص زر، ہوس اقتدار نے قوم کو بھکاری بنایا، جن کی غلامانہ ذہنیت نے میرے گھروں کو مقتل گاہ بنایا، میرے لوگوں کو پناہ گزین اور میری ماں کو زندہ درگور کردیا، میں ان کو اس ملک کا سربراہ مانوں؟ ایبسلوٹلی ناٹ۔
پی ٹی آئی رہنما نے مزید کہا کہ یہ فیصلہ فقط میرا نہیں بلکہ میرے ملک کی 22 کروڑ عوام کا بھی ہے۔
