نیب کا این آئی سی وی ڈی پر چھاپہ، ایچ آرکا ریکارڈ قبضے میں -
The news is by your side.

Advertisement

نیب کا این آئی سی وی ڈی پر چھاپہ، ایچ آرکا ریکارڈ قبضے میں

کراچی : قومی احتساب بیورو (نیب) نے قومی ادارہ برائے امراضِ قلب ( این آئی سی وی ڈی ) پر چھاپہ مار کر ریکارڈ قبضے میں لے لیا ہے ۔ چھاپہ مبینہ کرپشن کی تحقیقات کےلیے موصول شدہ درخواستوں پر مارا گیا۔

تفصیلات کے مطابق نیب کی چھ رکنی ٹیم نے آج بروز ہفتہ قومی ادارہ امراض قلب پر چھاپہ مار کارروائی کے دوران او پی ڈی اور ایچ ار کا ریکارڈ چیک کیا، ذرائع کا کہنا ہے کہ ادارے کے اپنے ملازمین کی جانب سے کرپشن کی تحقیقات کے لیے نیب کو درخواستیں دی جاتی رہی ہیں۔

چھاپہ مار کارروائی کے دوران نیب ارکان نے ڈیوٹی پر تعینات ملازمین سے پوچھ گچھ کی ،نیب کی ٹیم نے چھاپے کے دوران ایچ آر کا مکمل ریکارڈ قبضے بھی اپنے میں لے لیا۔واضح رہے کہ گزشتہ روز بھی نیب کی ٹیم نےایچ آر کے ریکارڈ کا کچھ حصہ قبضے میں لیا تھا تاہم آج مکمل ریکارڈ قبضے میں لیا گیا ہے۔

ذرائع کا کہنا ہے کہ نیب کی ٹیم کے پہنچنے پراسپتال کے انتظامی افسران میں کھلبلی مچ گئی تھی ، بتایا جارہا ہے کہ قومی ادارہ برائے امراض قلب کے ملازمین نے مبینہ کرپشن کی تحقیقات کے لیے نیب کوکئی باردرخواستیں دی تھیں۔

Comments

comments

یہ بھی پڑھیں