شوبز انڈسٹری کی معروف ماڈل و اداکارہ نادیہ حسین کی مزاحیہ ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ نادیہ حسین نے فیصل نقوی کے ساتھ مزاحیہ ویڈیو شیئر کی جسے مداحوں کی جانب سے خوب سراہا جارہا ہے۔
نادیہ حسین نے ویڈیو شیئر کرتے ہوئے کیپشن میں لکھا کہ ’ڈاکٹر نے کیا بولا۔‘
ویڈیو میں نادیہ حسین لپسنگ کرتے ہوئے کہتی ہیں کہ ’آگئے آپ، فیصل نقوی کہتے ہیں کہ ’ہاں۔‘
نادیہ حسین پوچھتی ہیں کہ ’کیا کہا ڈاکٹر نے؟‘ وہ کہتے ہیں کہ کچھ نہیں ڈاکٹر نے دوائیاں دی ہیں بولا دو ٹائم لے لو بخار ٹھیک ہوجائے گا۔‘
اداکارہ کہتی ہیں کہ ‘اور سردرد کے بارے میں آپ نے نہیں پوچھا۔‘ وہ کہتے ہیں کہ ’نہیں تمہارے بارے میں تو کوئی بات نہیں ہوئی۔‘
نادیہ حسین کہتی ہیں کہ ’اچھا‘ پھر بات سمجھ میں آنے کے بعد غصہ کرنے لگ جاتی ہیں۔‘
واضح رہے کہ نادیہ حسین سوشل میڈیا پر اکثر مزاحیہ ویڈیو شیئر کرتی رہتی ہیں جسے ان کے مداح بھی پسند کرتے ہیں۔ اس سے قبل بھی انہوں نے مزاحیہ ویڈیو شیئر کی تھی جو وائرل ہوگئی تھی۔
نادیہ حسین متعدد ڈراموں میں اداکاری کے جوہر دکھا چکی ہیں جس میں مقدر کا ستارہ، جلن ودیگر شامل ہیں۔
