اسلام آباد: نیشنل ڈیٹا بیس اینڈ رجسٹریشن اتھارٹی (نادرا) نے صارفین کو ایک اور نئی سہولت فراہم کردی۔
چیئرمین نادرا طارق ملک کی جانب سے جاری بیان میں بتایا گیا ہے کہ نادرا نےانگلیوں کی شناخت کےجدید ترین نظام "نادر” کا اجرا کر دیاہے یہ جدید نظام نادرا کےاپنے وسائل،سافٹ ویئرانجینئرزکاکارنامہ ہے۔
انہوں نے بتایا کہ اس کامیابی سے پاکستان بھی اس شعبے میں ترقی کرنیوالےچند ممالک میں شامل ہوگیا ہے، نادرا کی یہ کامیابی صرف شناخت کےمیدان میں ہی نہیں ہے، یہ کامیابی تعمیروطن کی جد وجہد کا بھی اہم سنگ میل ہے۔
یہ بھی پڑھیں: نادرا نے بزرگوں کے لیے زبردست سروس متعارف کرا دی
گذشتہ ماہ نادرا نے ’پاک آئیڈینٹٹی‘ کے نام سے نئی موبائل ایپلی کیشن متعارف کرائی تھی جس کے تحت پاکستانی شہری اب موبائل ایپ کے ذریعے شناختی کارڈ بنوارہے ہیں۔
اس سلسلے میں چیئرمین نادرا طارق ملک کا کہنا تھا کہ نئی موبائل ایپ سے شناختی کارڈ بنوانے کی درخواست کسی بھی جگہ سے دی جا سکے گی اور دستاویزات بھی اپ لوڈ کئے جاتے ہیں۔
