site
stats
اہم ترین

نواز شریف کی زیر صدارت اجلاس، آرٹیکل 62، 63 پر مشاورت

لاہور: سابق وزیر اعظم نواز شریف کی زیر صدارت رائیونڈ میں مشاورتی اجلاس منعقد ہوا جس میں قانونی ماہرین اور پارٹی رہنماؤں نے شرکت کی۔

تفصیلات کے مطابق سابق وزیر اعظم نواز شریف کی سیاسی اور بطور پارٹی کے صدر تمام سرگرمیاں بدستور جاری ہیں۔ آج بھی رائیونڈ میں ان کی زیر صدارت ایک اور مشاورتی اجلاس منعقد ہوا۔

اجلاس میں وفاقی وزیر زاہد حامد، اشتر اوصاف، خواجہ حارث، سعد رفیق، رانا ثنا اللہ اور دیگر اہم رہنما و قانونی ماہرین نے شرکت کی۔

ذرائع کا کہنا ہے کہ مشاورتی اجلاس میں نیب سے ملنے والے نوٹسز اور آرٹیکل 62، 63 پر مشاورت کی گئی۔

ذرائع کے مطابق سابق وزیر اعظم نواز شریف ممکنہ طور پر آئندہ 2 روز میں بیرون ملک روانہ ہوسکتے ہیں۔

اجلاس کے بعد وفاقی وزیر ریلوے خواجہ سعد رفیق نے میڈیا سے گفتگو کرتے ہوئے بتایا کہ اجلاس میں قانونی مشاورت کی گئی ہے۔

سعد رفیق کا کہنا تھا کہ کلثوم نواز کی بیماری کے باوجود این اے 120 کے لیے کسی اور امیدوار کی تجویز زیر غور نہیں ہے۔ ان کی بیماری قابل علاج ہے اور وہ بہت جلد وطن واپس آجائیں گی۔

امریکی صدر ٹرمپ کی حالیہ پاکستان پالیسی کے بارے میں ان کا کہنا تھا کہ ملک میں دفتر خارجہ فعال ہے۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top