اسلام آباد: ایون فیلڈ، العزیزیہ ریفرنس میں نواز شریف کے خلاف اپیلیں سماعت کے لیے مقرر کردی گئیں۔
اے آر وائی نیوز کے مطابق اسلام آباد ہائیکورٹ نے ایون فیلڈ، العزیزیہ ریفرنس میں نواز شریف کی اپیلیں 21 نومبر کو سماعت کے لیے مقرر کردیں۔
چیف جسٹس عامر فاروق اور جسٹس میاں گل حسن اورنگزیب سماعت کریں گے۔
عدالت نے نواز شریف کی بیرون ملک سے واپسی پر اپیلیں بحال کی تھیں۔
واضح رہے کہ نواز شریف کو احتساب عدالت نے العزیزیہ اور ایون فیلڈ ریفرنسز میں سزا سنائی تھی جبکہ نواز شریف نے فیصلوں کو 2018 سے چیلنج کررکھا ہے۔
ایون فیلڈ، العزیزیہ ریفرنس میں نواز شریف کی اپیلیں سماعت کیلئے مقرر#ARYNews pic.twitter.com/kW3Lx0sAJp
— ARY NEWS (@ARYNEWSOFFICIAL) November 16, 2023
یاد رہے کہ گزشتہ دنوں اسلام آباد ہائی کورٹ نے نواز شریف کی العزیزیہ اور ایون فیلڈ ریفرنسز میں سزا کے خلاف اپیلیں بحال کی تھیں۔
صدر ڈسٹرکٹ بار اسلام آباد قیصر امام کے مطابق اپیلوں کی بحالی میں کوئی قانونی پیچیدگی نہیں تھی، نواز شریف کی اپیلیں بحال ہونی ہی تھی، قانون واضح ہے تاہم نواز شریف کی ضمانت کے معاملے پر فیصلے میں کیا ہے یہ دیکھنا ہوگا۔
العزیزیہ ریفرنس میں نگراں پنجاب کابینہ نے سابق وزیر اعظم کی سزا معطل کر دی تھی۔ حکومتی ذرائع نے بتایا تھا کہ نگراں حکومت نے کریمنل پروسیجرل کوڈ کے سیکشن 401 کے تحت سزا معطل کی، اس کے تحت حکومت مجرم کی سزا معطل کرنے کا اختیار رکھتی ہے۔