ممبئی: بالی ووڈ کے معروف اداکار نوازالدین صدیقی کی فلم مون سون شوٹ آؤٹ کا ٹریلر جاری کردیا گیا۔
بھارتی اداکار نوازالدین صدیقی نے فلموں میں گرے شیڈز ’مبینہ کردار‘ خوب اچھی طریقے سے ادا کیے اور مختصر عرصے میں فلم نگری میں اپنی صلاحیتوں کا لوہا منوایا۔
نوازالدین صدیقی کی نئی آنے والی فلم ’مون سون‘ شوٹ آؤٹ ہے جس میں ناظرین انہیں اپنے روایتی انداز مبینہ کردار میں دیکھیں گے، ڈائریکٹر کی جانب سے فلم کا 37 سینکڈز پر مبنی ٹریلر جاری کردیا گیا۔
مون سون شوٹ آؤٹ کے جاری ٹریزر کو دیکھ کر معلوم ہوتا ہے کہ اس فلم میں نوازالدین صدیقی بھیانک طریقے سے لوگوں کو قتل کرتے ہیں، اسی طرح کے دیگر خوفناک مناظر بھی ٹریلر میں شامل کیے گئے ہیں۔
قبل ازیں اطلاعات تھیں کہ فلم کی ریلیز دبنگ خان کی نئی آنے والی فلم ’ٹائیگر زندہ ہے‘ سے ٹکرائے گی اس لیے فلماساز نے ’مون سون شوٹ آؤٹ‘ کی ریلیز کا اعلان 15 دسمبر کو کیا ہے۔
فلم میں نوازالدین صدیقی کے ساتھ وی جے ورما اور تنیشتا مرکزی کردار ادا کررہے ہیں جبکہ اس کے ڈائریکٹر امیت کمار ہیں۔
واضح رہے کہ گزشتہ برس اگست میں دبنگ خان کا کہنا تھا کہ فلم انڈسٹری کا اگلا سلمان خان اداکار نوازالدین صدیقی ہوگا کیونکہ وہ ہرکردار کو بہت اچھی طریقے سے نبھانے کی صلاحیت رکھتا ہے۔