اسلام آباد : حکومت کی جانب پٹرولیم مصنوعات کی نئی قیمتوں کا اعلان آج کیا جائے گا، اوگرا سمری کو مد نظر رکھ کر نئی قیمتوں کا فیصلہ ہوگا۔
تفصیلات کے مطابق پٹرولیم مصنوعات کی نئی قیمتوں کااعلان آج کیا جائے گا، نئی قیمتوں کا اطلاق16سے31 جولائی کیلئے ہوگا۔
اوگرا حکام نے بتایا کہ اب تک قیمتوں سےمتعلق سمری نہیں بھیجی گئی، شام کو اوگرا کی جانب سےسمری حکومت کوبھیجی جائے گی۔
ذرائع کا کہنا تھا کہ اوگرا سمری کو مد نظر رکھ کر نئی قیمتوں کا فیصلہ کیا جائے گا، وزیر اعظم کی منظوری کے بعد قیمتوں کا اعلان کیا جائے گا۔
یاد رہے 30 جون کو وزیر خزانہ اسحاق ڈار نے آئندہ 15 روز کیلئے ڈیزل کی قیمت میں اضافے کا اعلان کیا تھا جبکہ پیٹرول کی قیمت کو برقرار رکھا گیا تھا۔
وزیر خزانہ اسحاق ڈار اپنے ایک ویڈیو میں پیغام میں کہا تھا کہ اگلے 15 یوم کیلئے پیٹرول کی قیمت میں کسی قسم کا کوئی ردوبدل نہیں کیا جارہا۔
وزیر اعظم کی جانب سے پیٹرولیم مصنوعات کی قیمتوں میں کم سے کم اضافے کی ہدایت پر ڈیزل کی قیمت میں ساڑھے 7 روپے فی لیٹر اضافہ کیا گیا تھا جبکہ پٹرول کی قیمت 262روپے فی لیٹربرقرار رہے گی۔
ڈیزل کی قیمت میں 7روپے50پیسے فی لیٹر اضافہ کے بعد ڈیزل کی نئی قیمت 260روپے 50 پیسے فی لیٹر ہوگی۔
