اسلام آباد: نیو ٹیک یونیورسٹی اور چین کے تعاون سے ڈپلومہ پروگرام کا آغاز کردیا گیا، طلبا 2 سال یونیورسٹی اور ایک سال چین میں تعلیم حاصل کریں گے۔
تفصیلات کے مطابق جدیدٹیکنالوجی میں پاک چین تعاون کا ایک اور سنگ میل عبور ہوگیا ، نیو ٹیک یونیورسٹی اور چین کا مشترکہ منصوبے کے حوالے سے نیشنل یونیورسٹی آف ٹیکنالوجی کے رجسٹرار نے میڈیا بریفنگ دیتے ہوئے کہا کہ بگ ڈیٹا، میکا ٹرانکس اور سافٹ ویئر انجینئرنگ کے ڈپلومہ پروگرام کا آغاز کردیا ہے۔
جس کے تحت طلبا 2 سال یونیورسٹی اور ایک سال چین میں تعلیم حاصل کریں گے ، ڈپلومہ مکمل کرنے کےبعد چین کی انڈسٹری میں ملازمت کےمواقع ہیں۔
بریفنگ میں بتایا گیا کہ سی پیک میں بھی ان کو ملازمت دی جا سکتی ہے، چین کیساتھ ملکر ہم نے قومی ترقی کیلئےیہ پروگرام ترتیب دیا۔
رجسٹرار کا کہنا تھا کہ نینو ٹیکنالوجی میں بھی ڈپلومہ اور ڈگری پروگرام زیر غور ہے، پاکستان میں بگ ڈیٹا ،میکا ٹرانکس اور سافٹ وئیر ڈپلومہ پروگرام نہیں۔
