انگلینڈ اور متحدہ عرب امارات (یو اے ای) کے خلاف ہونے والی 2 اہم سیریز کے لیے نیوزی لینڈ کرکٹ نیوزی لینڈ اسکواڈ میں ٹرینٹ بولٹ اور کائل جیمیسن کی واپسی ہوگئی۔
کائل جیمیسن کی کمر کی انجری ختم ہونے کے بعد ٹیم میں واپسی ہوئی ہے۔ جبکہ فاسٹ بولر ٹرینٹ بولٹ کی واپسی کو ایک سال سے زائد کا عرصہ لگا ہے۔
گھٹنے کا ری ہیب کرنے والے کین ولیمسن ٹریننگ کے دوران ٹیم کے ہمراہ ہوں گے، جبکہ مارک چیپمین اور جمی نیشم کی فیملی مصروفیات کی وجہ سے دستیابی ممکن نہیں ہوسکی۔
انگلینڈ کے خلاف ہونے والی ون ڈے سیریز میں ٹیم کی قیادت ٹام لیتھم کے سپرد ہوگی جبکہ انگلینڈ اور یو اے ای کے خلاف ٹی ٹوئنٹی میچز میں ٹیم کی قیادت ٹم ساؤتھی کریں گے۔
متحدہ عرب امارات میں ہونے والے ٹی ٹوئنٹی میچز 17، 19 اور 20 اگست کو کھیلے جائیں گے، انگلینڈ میں ٹی ٹوئنٹی میچز 30 اگست، یکم، 3 اور 5 ستمبر جبکہ ون ڈے میچز 8، 10، 13 اور 14 ستمبر کھیلے جائیں گے۔
