The news is by your side.

Advertisement

امریکی اداکار نکولس کیج شادی کے 4 دن ہی بیوی سے اکتا گئے

نیویارک: امریکی اداکار نکولس کیج شادی کے 4دن ہی بیوی سے اکتا گئے اور طلاق دینے کا فیصلہ کرلیا، اداکار نے الزام لگایا ایریکا کوئیکی کی نظریں  میری دولت پر ہیں اور اس نے پیسے کے لیے ہی مجھ سے شادی کی ہے جبکہ بیوی نے طلاق کیلئے سپاﺅزل سپورٹ کی شرط عائد کر دی۔

تفصیلات کے مطابق معروف امریکی اداکار نکولس کیج نے گزشتہ ماہ اپنی دوست ایریکا کوئیکی کے ساتھ شادی کی تھی، جس کے ساتھ ایک سال سے اس کا تعلق چلا آ رہا تھا تاہم شادی کے چار دن بعد ہی اس نے طلاق کے لیے عدالت سے رجوع کر لیا ۔

ابتداء میں تو ایرکا کوئیکی طلاق کے لیے رضامند نہیں تھی لیکن اب وہ بھی راضی ہو گئی ہے تاہم اس نے شرط عائد کر دی ہے کہ اسے ”سپاﺅزل سپورٹ“ (طلاق کے بعد شوہر کی طرف سے بیوی کو دی جانے والی رقم) دی جائے گی اور طلاق کی قانونی کارروائی پر اٹھنے والا خرچ بھی نکولس کیج اسے ادا کرے گا۔

رپورٹ کے مطابق نکولس اور 34سالہ ایریکا، جو پیشے کے اعتبار سے ایک میک اپ آرٹسٹ ہے، اپریل 2018ء سے اکٹھے رہ رہے تھے، ان کی شادی کی تقریب لاس ویگاس میں ہوئی تھی۔ تاہم چار روز بعد ہی نکولس نے ایریکا پر یہ الزام عائد کر دیا کہ ایریکا کی نظریں میری دولت پر ہیں اور اس نے پیسے کے لیے ہی مجھ سے شادی کی ہے۔

یہ الزام عائد کرتے ہوئے 55سالہ نکولس نے کلارک کاﺅنٹی کورٹ میں طلاق کی درخواست دائر کر دی ۔

شادی کے بعد نکولس کی ایک ویڈیو بھی منظرعام پر آئی جس میں وہ چیخنے کے انداز میں کہہ رہے ہوتے ہیں کہ میک اپ آرٹسٹ ایریکا میری دولت پر قبضہ کرنا چاہتی ہے، جس جگہ یہ ویڈیو فلمائی گئی وہاں کے ایک عینی شاہد نے بتایا کہ نکولس اس قدر غصے میں تھا کہ آپے سے باہر ہو رہا تھا، ایسا لگ رہا تھا کہ اس نے بہت زیادہ شراب پی رکھی ہے۔

ویڈیو میں نکولس ایریکا کو یہ طعنہ بھی دے رہا ہوتا ہے کہ ”تمہارا سابق بوائے فرینڈ نشئی ہے۔“اس پورے کلپ میں ایریکا صرف ایک ہی فقرہ دہرا رہی ہوتی ہے کہ بے بی! میں تمہیں یہ سب کچھ کرنے کے لیے نہیں کہہ رہی ہوں۔

واضح رہے کہ نکولس نے 1995ءمیں پیٹریشا ارکوئیٹ سے پہلی شادی کی، اس کے بعد اس نے مزید دو شادیاں کیں اور ایریکا سے یہ اس کی چوتھی شادی تھی۔

Comments

comments

یہ بھی پڑھیں