The news is by your side.

Advertisement

نشوہ اورعصمت کیس، اداکارہ اقرا عزیز کا مداح کو کرارا جواب

کراچی: نامور پاکستانی اداکارہ اقرا عزیز نے ننھی نشوہ اور عصمت کی سفاکانہ موت کو غیرسنجیدہ کہنے والوں کو آڑے ہاتھوں لے لیا۔

تفصیلات کے مطابق کراچی میں چند روز قبل رونما ہونے والے دو واقعات پر ماڈل و اداکارہ اقرا عزیز نے افسوس اور غصے کا اظہار کرتے ہوئے کہا کہ اللہ ان دونوں کی مغفرت فرمائے اور ہم جیسے جانوروں کو انسانیت دے۔

اقرا کے اس ٹویٹ پر ایک مداح نے مشورہ دیتے ہوئے کہا کہ ان واقعات کو زیادہ سنجیدہ نہ لیں، عمیر نامی اس صارف نے واقعات پر ان لوگوں کی ترجمانی کی جو نہ تو خود ایسے معاملات پر کچھ بولتے ہیں بلکہ دوسروں کو بھی واقعات کو سنجیدگی سے نہ لینے کا مشورہ دیتے ہیں۔

مزید پڑھیں: ’میں آپ سے بہت پیار کرتی ہوں‘ اقرا عزیز والدہ کی شکر گزار

اداکارہ نے اس صارف کو آڑے ہاتھوں لیتے ہوئے کہا کہ یہ کہنا آسان ہے کہ اللہ بہتر کرے گا یا ان واقعات کو سنجیدگی سے نہ لیں لیکن کیا آپ اس وقت کا انتظار کررہے ہیں جب یہ سب آپ کی ماں، بہن، بیٹی، بیوی کے ساتھ ہوگا اور جب وہ ان حالات سے گزریں گی اس وقت آپ ان واقعات کو اہمیت دیں گے۔

واضح رہے کہ اقرا کے ساتھ شوبز سے تعلق رکھنے والے دیگر فنکاروں فیصل قریشی، ارمینا رانا خان، منشا پاشا، علی رحمان خان، نادیہ جمیل نے بھی نشوہ اور عصمت کے ساتھ ہونے والی درندگی اور مجرمانہ فعل پر وزیراعظم سے مجرموں کے خلاف سخت الیکشن لینے کا مطالبہ کیا تھا۔

یاد رہے کہ کراچی کے دارالصحت اسپتال میں انتظامیہ کی جانب سے غلط انجکشن لگنے کے سبب 9 ماہ کی بچی نشوہ دو روز قبل انتقال کرگئی تھی۔

خیال رہے کہ کراچی میں سندھ گورنمنٹ کورنگی اسپتال میں 25 سالہ عصمت انجکشن لگوانے کے لیے گئیں تو انہیں مبینہ طور پر زیادتی کے بعد قتل کردیا گیا تھا۔

Comments

comments

یہ بھی پڑھیں