این ایل سی گزشتہ چار دہائیوں سے مال برداری کے قابل قدر خدمات سر انجام دے رہا ہے، اور سڑک، ریل، سمندری اور ہوائی راستوں کے ذریعے کارگو کو ہر مقام تک پہنچانے کی صلاحیت حاصل کر چکا ہے، اس حوالے سے پہلی بین الاقوامی خوراک اور زرعی نمائش میں این ایل سی کے اسٹال کو زبردست پذیرائی ملی۔
این ایل سی نے انٹرنیشنل فوڈ اینڈ ایگریکلچر نمائش کے پہلے ایڈیشن میں بھرپور طور سے شرکت کی، تاجر برادری کی جانب سے این ایل سی کی خدمات میں گہری دل چسپی کا اظہار کیا گیا، اس نمائش میں تقریباً 55 ممالک سے 250 نمائش کنندگان شریک ہوئے تھے۔
این ایل سی اسٹال پر ملکی اور غیر ملکی مندوبین کے لیے ادارے کی خدمات پر روشنی ڈالی گئی، این ایل سی حکام نے وفود اور شرکا کو ادارے کی نقل و حمل کی استطاعت اور کارکردگی کے بارے میں آگاہی فراہم کی، بتایا گیا کہ این ایل سی گزشتہ چار دہائیوں سے مال برداری کے قابل قدر خدمات سر انجام دے رہا ہے۔
این ایل سی سڑک، ریل، سمندری اور ہوائی راستوں کے ذریعے کارگو کو ہر مقام تک پہنچا سکتا ہے، این ایل سی نے مختلف وسطی ایشیائی ریاستوں، ترکیہ اور چین تک بذریعہ سڑک سامان پہنچانے کی صلاحیت حاصلِ کر لی ہے، ان ممالک تک سامان کی ترسیل بین الاقوامی روڈ ٹرانسپورٹ اور دو طرفہ تجارتی معاہدوں کے تحت کی جا رہی ہے۔
این ایل سی نے درآمد کنندگان اور برآمد کنندگان کو مصنوعات کے لیے نئی منڈیوں تک رسائی دی ہے، علاقائی رابطے کے اقدامات سے خشکی میں گھرے وسطی ایشیائی ممالک کے لیے پاکستانی بندرگاہوں تک مختصر ترین راستہ میسر آیا ہے، این ایل سی تازہ پھلوں اور خراب ہونے والی کارگو کی نقل و حمل کر سکتا ہے۔
این ایل سی کے پاس پاکستان کے اندر گودام اور کولڈ اسٹوریج کی سہولیات موجود ہے، این ایل سی خریداروں اور فروخت کنندگان کے درمیان رابطے کی اہم کڑی ہے، پاکستان کی زرعی مصنوعات کی برآمدات بڑھانے کے لیے این ایل سی نے اپنے عزم کو دہرایا۔
