واشنگٹن: امریکی صدر ڈونلڈ ٹرمپ نے کہا ہے کہ منگل کے روز شمالی کوریا کے سربراہ کم جونگ ان کے ساتھ ملاقات نے دنیا کو جوہری آفت سے بچانے میں اہم کردار ادا کیا، اب شمالی کوریا سے کسی قسم کا جوہری خطرہ نہیں ہے۔
ان خیالات کا اظہار انہوں نے سماجی رابطے کی ویب سائٹ ٹویٹر پر اپنے پیغام میں کیا، ٹرمپ نے کہا کہ دنیا نے ایک ممکنہ جوہری المیے سے دوری کے لیے بڑا قدم اُٹھایا ہے۔
انہوں نے کہا کہ میزائل داغنے کی کارروائیاں یا جوہری تجربات یا تحقیق یہ سب کچھ اب مزید نہیں ہوگا، یرغمال افراد وطن لوٹ گئے ہیں اور اب اپنے گھر والوں کے ساتھ ہیں، کم جانگ ان آپ کا بہت شکریہ۔
The World has taken a big step back from potential Nuclear catastrophe! No more rocket launches, nuclear testing or research! The hostages are back home with their families. Thank you to Chairman Kim, our day together was historic!
— Donald J. Trump (@realDonaldTrump) June 13, 2018
ڈونلڈ ٹرمپ نے کہا کہ میری منصب سنھبالنے سے پہلے امریکی لوگ یہ تصور کررہے تھے کہ ہم شمالی کوریا سے جنگ کی جانب بڑھ رہے ہیں، صدر اوباما نے کہا تھا کہ شمالی کوریا سب سے خطرناک اور بڑا مسئلہ ہے، لیکن اب نہیں ہے، آج آرام سے سوجائیں۔
Before taking office people were assuming that we were going to War with North Korea. President Obama said that North Korea was our biggest and most dangerous problem. No longer – sleep well tonight!
— Donald J. Trump (@realDonaldTrump) June 13, 2018
دوسری جانب شمالی کوریا کی سرکاری خبر ایجنسی کے مطابق کم جونگ ان نے واضح کیا ہے کہ جزیرہ نما کوریا میں امن و استحکام کو مضبوط بنانے اور جوہری ہتھیاروں کی تلفی کو یقینی بنانے کے واسطے دونوں ملکوں پر لازم ہے وہ دشمنانہ سرگرمیوں کو روکے جانے کا عہد کریں تاکہ ایک دوسرے کو سمجھ سکیں۔