پیانگ یانگ: شمالی کوریا نےایک بار پھر امریکہ کو وارننگ دیتےہوئےکہا ہے کہ اگر امریکہ نےفوجی کارروائی کی کوشش کی تو اس کا نتیجہ صرف اور صرف جنگ ہوگی۔
تفصیلات کےمطابق شمالی کوریا کےنائب وزیر خارجہ کا کہنا ہےکہ شمالی کوریاعالمی پابندیوں،مذمتوں اورامریکہ کے ساتھ بڑھتی ہوئی کشیدگی کےباوجود میزائل تجربات جاری رکھے گا۔
نائب وزیر خارجہ ہان سونگ نے ایک بار پھر امریکہ کو وارننگ دیتے ہوئے کہا کہ اگرامریکہ نے کوئی کارروائی کی تو اس کا جواب جوہری ہتھیاروں سے دیاجائےگا۔
شمالی کوریا امریکی حملے کےجواب میں جوہری حملے کےلیےتیار
خیال رہےکہ تین روز قبل شمالی کوریا نےامریکہ کوخبردارکیا تھاکہ وہ امریکہ کی جانب سے کیےجانےوالے حملے کےجواب میں جوہری حملے کے لیےتیارہے۔
شمالی کوریا کےحوالے سےکشیدگی بڑھ رہی ہے‘چین
یاد رہےکہ اس سےقبل چین نےخبردار کیا تھا کہ شمالی کوریا کےحوالے سے کشیدگی بڑھ رہی ہے اور ‘کسی بھی وقت لڑائی چھڑ سکتی ہے۔
چینی وزیرخارجہ وانگ یی کاکہنا تھا کہ شمالی کوریاکے حوالے سے اگرجنگ شروع ہوئی تواس میں جیت کسی کی نہیں ہوسکتی۔
ٹرمپ کا شمالی کوریا کے خلاف کارروائی کا عندیہ
واضح رہےکہ گزشتہ ہفتے امریکی صدر ڈونلڈ ٹرمپ نے شام پر میزائل حملوں کے بعد شمالی کوریا کے خلاف بھی کارروائی کا عندیہ دے دیاتھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
