راولپنڈی: شمالی وزیرستان میں سیکیورٹی فورسز کے آپریشن میں فورسز پر حملوں میں ملوث دہشت گرد مارا گیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے علاقے میر علی میں خفیہ اطلاعات پر آپریشن کیا۔
ترجمان پاک فوج کا بتانا ہے کہ آپریشن کے دوران فورسز اور دہشت گردوں میں فائرنگ کا تبادلہ ہوا، فائرنگ کے تبادلے میں ایک دہشت گرد ہلاک ہوگیا۔
آئی ایس پی آر کے مطابق دہشت گردوں کے قبضے سے ہتھیار اور گولیاں برآمد کرلی گئی ہیں۔
ترجمان پاک فوج کا کہنا ہے کہ ہلاک دہشت گرد فورسز پر حملوں اور شہریوں کے قتل میں ملوث تھا۔
Comments
- Advertisement -
