اسلام آباد : انتخابی اصلاحاتی کمیٹی کے اجلاس میں سیاسی جماعتوں نے اتفاق کیا کہ تاخیر سے آنے والے نتائج کو تسلیم نہیں کیے جائے گا۔
تفصیلات کے مطابق انتخابی اصلاحاتی کمیٹی کے اجلاس کی اندرونی کہانی سامنے آگئی ، انتخابی اصلاحاتی کمیٹی کادوسرااجلاس آج پھرہو گا، کمیٹی 10دنوں میں رپورٹ پارلیمنٹ میں پیش کرے گی۔
ذرائع نے بتایا کہ اجلاس میں انتخابی اصلاحاتی کمیٹی نے 73 میں سے70 مجوزہ تجاویز کا عمومی جائزہ لیا جبکہ سیاسی جماعتوں کی جانب سے انتخابی نتائج میں تاخیر پر شدید تشویش کا اظہار کیا گیا۔
سیاسی جماعتوں نے اتفاق کیا کہ تاخیر سے آنےوالےنتائج کو تسلیم نہیں کیے جائے گا، اجلاس میں پریزائیڈنگ آفیسرکونتائج مکمل کرنے کیلئےوقت مخصوص کرنے کی تجویز پر اتفاق کیا۔
اجلاس میں تجویز دی کہ نتائج کی تاخیرپرپریزائیڈنگ آفیسرسےجواب طلبی کی جائے گی اور پریزائیڈنگ آفیسرانتخابی نتائج کی تاخیر پر ٹھوس وجہ بتانے کا پابند ہوگا۔
تجویز میں کہا گیا کہ ریٹرننگ آفیسرماتحت پریزائیڈنگ آفیسرزکو جدیدمواصلاتی آلات کی فراہمی یقینی بنائےگا اور پریزائیڈنگ آفیسر اپنےدستخط شدہ مکمل نتائج کی تصویرریٹرننگ آفیسرکوبھیجنےکاپابندہو گا۔
اجلاس میں پریزائیڈنگ آفیسر کو تیز ترین انٹرنیٹ سروس اور اسمارٹ فون دینے کی بھی تجویز سامنے آئی۔
