The news is by your side.

Advertisement

کرونا وائرس سے بچاؤ، سعودی عرب کے بعد عمان نے بھی بڑی پابندی لگا دی

عمان : سعودی عرب کے بعد عمان نے کرونا وائرس سے بچاؤ کے لیے وائرس سے متاثرہ ممالک کے باشندوں کے داخلے پر پابندی عائد کردی ہے، اس پابندی کا اطلاق زمینی، سمندری اور ہوائی سمیت تمام بندرگاہوں پر ہوگا۔

تفصیلات کے مطابق عمان کے وزارت خارجہ کی جانب سے جاری کردہ بیان میں کہا گیا عمان نے ایسے ممالک سے آنے والے زائرین کے داخلے پر پابندی عائد کردی ہے، جہاں کرونا وائرس پھیل گیا ہے تاہم ممالک کے نام بتانے سے گریز کیا۔

وزارت نے مزید کہا کہ  پابندی کا فیصلہ ایک احتیاطی طریقہ کار کے طور پر لیا گیا ہے اور اس کا اطلاق زمینی ، سمندری اور ہوائی راستوں سمیت تمام بندرگاہوں پر ہوگا۔

یاد رہے سعودی عرب نے کرونا وائرس سے بچاؤ کے لیے عمرہ زائرین کے ملک میں داخلے پر پابندی عائد کردی تھی، کرونا وائرس کے پیش نظر سعودی ایوی ایشن نے نئی پالیسی جاری کی تھی ، جس کے تحت سیاحتی ویزے پر سعودی عرب کا سفر کرنے والوں کا داخلہ بھی معطل کر دیا تھا۔

پالیسی کے مطابق ایران کے شہری بھی سعودی عرب میں داخل نہیں ہو سکیں گے، سیاحتی ویزے کے لیے ایران، چین، ہانگ کانگ اور اٹلی پر بھی پابندی لگا دی گئی تھی۔

مزید پڑھیں : سعودی عرب نے عمرہ زائرین کے داخلے پر پابندی لگا دی

بیان میں مزید کہا گیا تھا کہ سعودی عرب میں موجود ایسے خلیجی شہری جو 14 دن کے طبی جانچ کے عمل سے گذر چکے ہوں اوروہ کرونا وائرس سے محفوظ ہو، انہیں مکہ اور مدینہ میں داخلے کی اجازت ہوگی۔

سیاحتی ویزوں کے حوالے سے وزارت سیاحت کا کہنا تھا کہ کہ جن سات ممالک پر عارضی پابندی لگائی گئی ہے ان کےعلاوہ دیگر ممالک سے سیاحتی ویزوں کا اجرا حسب معمول جاری ہے تاہم موجودہ حالات کے پیش نظر سیاح کو مکہ اور مدینہ میں جانے کی اجازت نہیں۔

Comments

یہ بھی پڑھیں