سلطنت عمان نے غیرملکیوں کے داخلے کے لیے کورونا ویکسین کی دوخوراکیں لازمی قرار دے دیں۔
کمیٹی نے تازہ ترین اعداد و شمار کی روشنی میں مقامی اور بین الاقوامی سطح پر COVID-19 کی وبائی صورتحال کا مطالعہ کیا جو سلطنت عمان سمیت دنیا کے کئی ممالک میں تصدیق شدہ لیب کیسز کی صورت میں سامنے آرہا ہیں۔
کمیٹی نے متعلقہ حکام کی طرف سے توثیق کی گئی احتیاطی تدابیر کے ساتھ عدم پابندی کے واقعات کا نوٹس لیا۔ اجلاس میں کمیٹی نے صورتحال کے تجزیے کے بعد چند اہم فیصلے کیے ہیں جن کا اطلاق 31 جنوری 2022 تک ہو گا۔
سب سے پہلے تمام چیک پوائنٹس (داخلوں کے راستے) سے سلطنت آنے والے غیرملکیوں کے لیے کورونا ویکسین کی دوخوراکوں کی شرط کو لازمی قرار دیا گیا ہے۔ 18 سال سے زائد عمر کے غیر عمانی افراد پر یہ شرط عائد ہو گی۔
دوم یہ کہ عمان میں داخلے کی اجازت صرف ان آنے والے مسافروں کے لیے ہے جو زیادہ سے زیادہ 72 گھنٹوں کے اندر جاری کردہ پی سی آر ٹیسٹ منفی دکھائیں گے۔
تیسرا یہ کہ کمیٹی نے اس فیصلے کو منسوخ کر دیا ہے جس کے تحت جنوبی افریقہ، نمیبیا، بوٹسوانا، زمبابوے، لیسوتھو، ایسواتینی اور موزمبیق سے آنے والوں کے داخلے پر پابندی عائد تھی۔
