اسلام آباد : وفاقی دارلحکومت اسلام آباد میں اسپیشل بچوں پرتشدد کی فوٹیج منظر عام پر آگئی، قومی اسمبلی کی قائمہ کمیٹی برائے انسانی حقوق نے واقعے کا نوٹس لے لیا ہے۔
تفصیلات کے مطابق سیکٹرایچ نائن میں اسپیشل بچوں پرتشدد کی فوٹیج منظر عام پر آگئی۔
فوٹیج میں خصوصی بچوں کےاسکول میں بچوں پر تشدد دیکھا جا سکتا ہے، ذرائع نے بتایا ہے کہ اسپیشل بچوں پر ظلم کرنے والا ا سکول کا عملہ ہے۔
- Advertisement -
قومی اسمبلی کی قائمہ کمیٹی برائے انسانی حقوق نے واقعے کا نوٹس لے لیا ہے۔
مہرین بھٹو کا کہنا ہے کہ کسی بھی طرح کے تشدد کی شدید الفاظ میں مذمت کرتے ہیں، اس واقعےکا نوٹس لیتے ہوئے تمام معاملےکی انکوائری بھی کرائی جائے گی۔
مہرین بھٹو نے بتایا کہ کمیٹی واقعے میں ملوث افراد کے خلاف کارروائی کی بھی سفارش کرے گی۔
