کراچی : سندھ ہائی کورٹ نے نادرا کو یتیم لڑکی کا ب فارم دس دن میں جاری کرنے کا حکم دے دیا۔
تفصیلات کے مطابق سندھ ہائی کورٹ تعلیم کے حصول کےلیے پرعزم بے سہارا لڑکی کا سہارا بن گیا، عدالت نے نادرا کو بن ماں باپ کے بچی کا ب فارم بنانے کی ہدایت کردی۔
عدالت نے لڑکی کو خالہ کے شناختی کارڈ پر دس چن میں بے فارم جاری کرنے ہدایت کی، وکیل نادرا کا کہنا ہے کہ عدالت حکم دے تو ب فارم بنانے کےلیے تیار ہیں۔
عدالت نے استفسار کیا کہ یتیم بچی کے ایڈمٹ کارڈ کےلیے ب فارم کیوں ضروری ہے؟ جس پر وکیل بورڈ آفس نے بتایا کہ بچے کی شناخت کےلیے ب فارم ضروری ہے۔
بچی نے وکیل نے عدالت کو بتایا کہ نادرا نے والدین کے بغیر ب فارم جاری کرنے سے انکار کیا تھا۔
یہ بھی پڑھیں : نادرا قوانین یتیم طالبہ کی تعلیم میں رکاوٹ بن گئے
خیال رہے کہ نادرا حکام نے بے سہارا طالبہ کو ‘ب’ فارم جاری کرنے سے انکار کردیا تھا، جس کے باعث میٹرک بورڈ طالبہ کا ایڈمٹ کارڈ روک دیا تھا۔
بے سہارا طالبہ انصاف کےلیے سندھ ہائیکورٹ سے رجوع کیا تھا، بچی کی درخواست پر عدالت نے فریقین کو نتص جاری کرکے نادرا، میٹرک بورڈ آفس اور سندھ حکومت و دیگر سے جواب طلب کیا تھا۔
