The news is by your side.

Advertisement

بھارت کی متنازع ترین فلم پدماوتی کو مشروط ریلیز کی اجازت

ممبئی: بھارت کی متنازع ترین فلم پدماوتی کو مشروط ریلیز کی اجازت مل گئی، سنسر بورڈ نے یہ فیصلہ تاریخ دانوں اور راجپوت برادری کی جانب سے پیش کردہ رپورٹ پر کیا۔

تفصیلات کے مطابق راجپوت برادری کی رانی ‘پدمنی‘ کی زندگی پر بننے والی فلم پدماوتی کو بھارت کی متنازع فلم قرار دیا جارہا ہے جس کی ریلیز روکنے کے لیے سپریم کورٹ میں بھی درخواست دائر کی گئی تھی۔

راجپوت برادری کی تنظیم شری راجپوت سبھا کے صدر نے فلم کی ریلیز روکنے کے لیے سپریم کورٹ میں درخواست دائر کی تھی، جس میں مؤقف اختیار کیا گیا تھا کہ فلم کی ریلیز سے مذہبی جذبات اور ثقافت کو ٹھیس پہنچ سکتی ہے لہذا اس کی ریلیز کو فوری طور پر روکا جائے۔

پڑھیں: فلم پدماوتی ریلیز ہونے پر دپیکا اور بھنسالی کے سر کی قیمت مقرر

فلم ڈائریکٹر سنجے لیلا بھنسالی نے ممکنہ کشیدگی کے پیش نظر فلم کی ریلیز یکم دسمبر سے بڑھا دی تھی تاہم اب بھارتی سنسر بورڈ نے پدماوتی کو ریلیز کے لیے مشروط اجازت دے دی۔

بھارتی میڈیا کے مطابق سنسر بورڈ کے اراکین نے تاریخ دانوں اور راجپوت برادری کے معززین کی جانب سے پیش کردہ رپورٹ کا جائزہ لینے کے بعد اجلاس طلب کیا جس میں یہ طے پایا کہ فلم میں سے 26 مناظر کو ہٹایا جائے۔

اجلاس میں فیصلہ کیا گیا کہ فلم کا نام ’پدماوت‘ رکھنے کی تجویز دی اور یہ بھی طے کیا کہ جب تک مذکورہ مناظر یا سنسر بورڈ کی جانب سے پیش کردہ شرائط پر عمل نہیں کیا جاتا اُس وقت تک ریلیز کی اجازت نہیں دی جائے گی۔

یہ بھی پڑھیں: پدماوتی تنازع: پریانکا انتہا پسندوں‌ کے خلاف میدان میں آگئیں

بھارت کی متنازع ترین فلم پدماوتی کے خلاف احتجاج کرنے والے ہندو انتہاء پسند اس قدر بے قابو ہوگئے انہوں نے نومبر میں ایک شخص کو گلے میں پھندا ڈال کر قتل کیا اور مذکورہ مقام پر فلم کے خلاف دھمکی آمیز الفاظ بھی تحریر کیے گئے تھے۔

پولیس کا کہنا تھا کہ ’مقتول کی شناخت 40 سالہ چیتن سینائی کے نام سے ہوئی، لاش کے قریب پتھر پر تحریر کیا گیا تھا کہ ’ہم صرف پتلے نہیں جلاتے بلکہ بندے کو لٹکا بھی دیتے ہیں‘۔

ہندو انتہاء پسندوں نے سنجے لیلا بھنسالی اور فلم میں کام کرنے والے اداکاروں کے سر کی قیمتیں مقرر کردی ہیں تاہم اس تمام  ترصورتحال میں بالی ووڈ انڈسٹری کی نامور شخصیات نے اتحاد کا مظاہرہ کیا اور دھمکیوں کے خلاف مشترکہ آواز بھی بلند کی۔

اسے بھی پڑھیں: فلم پدماوتی کے ہیرو اپنے کردار کی وجہ سے ذہنی مریض بن گئے

سنجے لیلا بھنسالی کی ہدایت میں بننے والی فلم کو یکم دسمبر کو سینیما گھروں میں نمائش کے لیے پیش کیا جانا تھا، فلم میں رنویر سنگھ بادشاہ علاؤالدین اور دییکا پڈوکون رانی پدمنی کا کردار ادا کررہی ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں